Kinabukasan, nagkita kami ng mga kaibigan ko sa school nang makapag-enroll na para sa darating na second semester. Mabilis lang din kaming natapos since maikli lang naman ang linya para sa kurso namin, hindi katulad sa ibang kurso na sobrang haba ng linya. Hindi na rin ako magtataka kung bakit gano'n.
"Wala akong maalala sa mga pinaggagawa ko kagabi. Nagulat na lang ako paggising ko kanina sabog na sabog notif ko dahil sa mga picture na in-upload ko," umiiling na k'wento ni Althea habang naglalakad kami palabas ng school campus.
We were on our way to that café na palagi naming pinu-puntahan. Sa isang fast food resto sana ang punta namin pero humiling si Althea ng kape para sa ulo niyang sumasakit pa raw ng k'unti.
"Mabuti na lang hindi ako pumunta," komento naman ni Joanna na nasa kabil
