Inggit na inggit naman kay Luissa ang dalawang katulong na sina Aling Anding at Flora. Laging nakasimangot nalang ang mukha ng mga itong nakatingin sa kanya.
Alam na ng kanilang mga amo na bukas ay susunduin na s'ya ng Driver ni Mr. Santos. Wala namang magagawa ang mga Del Carmen kundi bibitawan s'ya sa mga ito, lalo na't napakaganda ng offer ng artist manager na na kaibigan ng mga ito kay Luissa.
"Nakakalungkot, maiiwan mo na ako, Luissa. Pero congrats talaga sa'yo dahil sunod-sunod ang swerte mo ngayon." Malungkot na wika ni Dona sa kanya.
Naawa naman siya sa kanyang kaibigan.
"Hindi ko alam kung talagang swerte ko ba ito ngayon, Dona. Di ko pa alam kung anong takbo ng buhay ko under kay Mr. Santos. Pero pangako ko sa'yo na kapag swerte talaga ito at ito ang simula ng lahat ng tag
