“Sa tingin mo alam niyang may gusto ka sa kanya? O baka namang siya ang may gusto sa ‘yo…”
Tinitigan naman niya ang kaibigan dahil sa sinabi nito sa kanya. Hindi niya alam kung anong mararamdaman niya dahil sa sinabi nito.
Aaminin niyang umasa na naman ang puso niya na talagang may gusto sa kanya si Emitt.
Alam niyang assuming siya pagdating sa nararamdaman ng lalaking iniibig sa kanya. Kasalanan niya rin kung bakit siya nasasaktan dahil umaasa siya.
“Kung nagkataon na gusto niya ako ay baka ako na ang pinakamasayang babae ngayon.” Tanging ‘yon ang lumabas sa bibig ni Katrina.
“Huwag mo na pansinin muna, bakla. Hanggang wala siyang sinasabi pakibakuran kahit na konti ang puso mo, mamaya iiyak ka na naman kahit wala ka namang karapatan. Hindi ka ba napapagod? Umiiyak ka ng hindi alam n
