“Wala ka bang trabaho ngayon?” tanong niya kay Dak dahil nasa sala sila at nanonood ng TV.
“Ano naman kung wala?” tanong nito habang nakaupo sa mahabang upuan samantalang siya ay sa pang-isahan lang.
Ang Lola niya ay nasa labas at nakikipag-usap sa kapitbahay nila. Ayos lang naman sa kanya at masaya pa nga siya dahil kahit papaano ay hindi nababagot ang Lola niya kapag nasa trabaho siya.
Napatingin na lang siya sa pinto nang may kumatok at biglang pasok na lang.
“Mabuhay!” masayang sabi ng kaibigan niyang si Eduardo.
Sa itsura palang nito na may dalang bag ay alam na niyang dito na naman ito matutulog ngayong gabi.
“Ang kapal mo naman pumasok, hindi naman kita pinapasok,” birong sabi niya sa kaibigan at nakita naman niyang lumapit ang kaibigan at tumabi kay Dak.
“Meron akong pasal
