"Bakit naman bigla-bigla kang nag-aaya na matulog sa bubungan, Katrina?" tanong ni Dak at nagkukusot pa 'to. Halata mo talagang bagong gising.
Mukhang naistorbo niya 'to sa pagtulog kaya napakamot siya sa batok niya.
Kanina pa kasi niya pinag-iisipan kung tatawagin niya si Dak para makapag-isip sila. Marami siyang katanungan na mukhang masasagot naman ni Dak. Tsaka ewan ba niya sa sarili niya. Gusto niya lang talagang makausap si Dak. Hindi siya makapakali.
Baka makapag-isip siya ng tama kapag kausap na niya si Dak. Baka kakalma siya kahit papaano.
"W-wala lang. May mga itatanong lang sana ako, kung ayos lang naman," mahinang sabi niya.
Hindi naman sana niya aayain si Dak na matulog sa bubungan kung tulad ng mga nakaraang araw ay natulog ito sa ibaba ng kama niya.
Kaso ngayong g
