"Sigurado ka bang ayos ka lang?" tanong ni Katrina kay Dak dahil nakita niyang bitak ang magkabilang gilid ng bibig ng binata. Meron din itong pasa sa kanang pisngi nito.
"Hmm-mm. Napaaway lang ako d'yan sa kanto, ayos lang ako," sabi nito sa kanya kaya napairap na lang siya dahil sa sinabi nito.
"Sana sinabi mo na lang sa akin na gusto mong magkaroon ng pasa, ako na lang sana nagbigay sa 'yo," malamig na sabi niya habang nilagyan ng ointment ang pasa nito.
Mukhang kagabi pa ito dahil masyado nang nangitim ang mga pasa nito. Hindi naman niya namalayan noong naalimpungatan siya kinagabihan at humiga sa tabi niya si Dak.
Buti na lang at wala siyang pasok ngayon at mas maaga siyang nagising kanina kay Dak. Nagulat pa nga siya sa mukha ng binata.
"Sungit mo na naman, malayo naman sa b
