Emitt
"Boss," napatingin si Emitt sa tumawag sa kanya. Ngayon ipapadala ang mga droga na ipupuslit at itatago sa mga pyesa ng sasakyan.
Matagal na nilang naplano 'to. Humahanap lang sila ng tamang pagkakataon para maging pulido ang plano nila.
"Yosi gusto mo?" tanong nito sa kanya at nilahad ang kamay nitong may hawak-hawak na sigarilyo. "Mahaba-haba ang gabi ngayon."
Napangisi naman siya dahil sa sinabi nito.
"Alam mong hindi ako nagsisigarilyo. Ibigay mo na lang 'yan kay Karl," malamig niyang sabi at nakapamulsang sinubaybayan ang mga taong nagpupuslit ng droga sa materyales.
Kapag nagkataon na matagumpay ang plano nila ay tsaka naman nila gagawin ang susunod na hakbang. Konting-konti na lang ay mapapabagsak na nila ang kumpanya na mukhang mamanahin pa ng Ama nila ni Karl.
T
