Walang nangahas na bawiin ang tinginan nila sa isa’t-isa. Kung kaya lang ni Lady Euc na gumamit ng kapangyarihan ay nagawa na niyang basahin ang nasa isip ng babaeng nasa harapan niya. Tsaka niya lang nalaman nasa gitna na sila ng kakahuyan nang walang maramdamang kahit ano sa katawan.
“Ang lugar na ito,” panimula ni Lady Euc at nilibot ang tingin sa buong paligid.
Madilim at mahamog. Kung isang pangkaraniwang araw ay hindi siya mangangahas na magpunta sa kakahuyan. Kung tutuusin ay ipinagbabawal ang kan’yang hindi sinasadyang nagawa. Masyado siyang tumutok na masundan ang babaeng noita.
“Kakaiba, hindi ba?” May halong kalokohan ang tono ni Kleries. “Bukod sa tansong palasyo, ito lamang ang natatanging ipinagbabawal na puntahan ng kahit sino sa inyo. Masyado niyo kasing minamaliit an
