Ang dalawa ay mabilis na napalingon kung saan nanggaling ang ingay. Maraming yapak at langitngit ng mga dahon silang naririnig kasabay ng mga paulit-ulit na salitan ng salita. Tila may hinahanap o hinahabol ang mga iyon para matarantang magsalita.
“Paulit-ulit naman kayo, eh! Dito ko nga sila nakita!” ani pa ulit na naging klaro na kay Zeuter kung kaninong boses.
Nagkatinginan ang dalawa at sabay na napaatras. Tila alam na nila kung ano ang nangyayari. Ang mga naririnig nilang boses ay mula sa matataas na opisyal na naglilibot sa bawat palasyo. At dahil ipinagbabawal ang kakahuyan na puntahan ng kahit sino ay malalagot sila.
“Kailangan nating magtago, Zeuter.” Napahawak si Eucarise sa palapulsuhan ng binata at umatras muli. Malapit na sa kanilang puwesto ang ingay na kanilang naririni
