Maraming nangyari sa loob ng maikling panahon. Maraming nawala at pilit bumabangon. Isa na roon sina Ruthyst Pythor at Vienna Sison. Sa kamay ng itim na reyna ay hindi ganoon kadali ang kanilang mga ginawa at naramdaman.
Tila isang roller coaster ang buhay nila na pinapaikot-ikot at pinapabilis ni Peia. Masakit makita o mapanood nang harap-harapan kung paano kuhain ng itim na reyna ang mga kaluluwa. Walang magawa si Ruthyst kundi ang tumunganga.
“Sabihin mo na sa amin ang totoo, Zeuter. Ilang beses na naming nasaksikan ang kakaiba sa paaralan na ito nang makulong kami mismo dito,” wika Alex—ang isa sa mga kaklase ni Zeuter sa college.
Hindi kaagad nakaimik si Ruthyst. Nahihiya siya sa mga taong nasa harapan niya. Ang dami na ngang pagkakamali na ginawa ang itim na reyna tapos hindi pa
