CINDY'S POV
Akala ko ba strong woman ako? Bakit ngayon ay kinikimkim ko kung anong nakita ko at kung anong nararamdaman ko ngayon. Hindi ko siya tinanong kung bakit may bakat ng lipstick sa kanyang kwelyo. Hanggang sa pumunta siya sa CR pagkatapos niyang kumain at pagbalik ay wala na 'yong mantsa sa kanyang kwelyo. Medyo kinabahan pa nga siya nang titigan ko siya sa kanyang paglabas sa CR.
Hindi muna ako mag-aassume na pinapansin ni Dave ang kalandian nitong si Dionne. Gusto ko munang pakiramdaman ang kilos ni Dave. O kaya mahuli ko sila sa aktong naglalampungan. Kapag siguro mangyari ang bagay na iyon ay bibigay siguro ang puso ko.
Panay pilit na ngiti lang ako kada kinakausap niya ako. Iba talaga ang nararamdaman ko ngayon. Halo-halo na at para bang umiikot ngayon ang puso ko. Para
