االفصل الرابع ( بائعه الفُل )

1493 Words

اسكريبت بائعه الفُل بقلمي دنيا صابر _ ورد يا بيه = لا شكرًا _ طب حتي خدلك فُل ويارب تتجوز الي بتحبها = لا كدا كتير امشي مش عايز لا فل ولا ورد شكرا _ يا بيه ليه كدا خد مني ورده ربنا يجبر بخاطرك دا الورد بيرد الروح ويخلي نفسك تبقي مفتوحه للحياه = ودا الي هو ازاي بقا _ خد مني الورده دي وانت تعرف = هاتي يا ستي الورده _ اتفضل يا بيه ربنا يفرح قلبك يارب اخد الورده وهو بيبتسم وبينادي عليها وهي ماشيه وسايباه : خدي هنا الفلوس يخربيت كدا واقفه تزن فوق راسي من الصبح وفي الاخر ماشيه من غير ما تاخد الفلوس يلا اهو اخدت الورده اروح اديها لامي هتفرح بيها اوي = يا مساء العسل علي ست الكل عامله اي يا امي : انا تمام يا كريم عامل اي يا حبيبي اتاخرت اوي كدا ليه كريم وهو بيرفع الورده قدامها وبطريقه كلاسكيه : اتاخرت عشان كنت بجيب احلا ورده لست الكل : حبيبي يا كريم انا بحب الورد جدا بيفتح نفسي اني اكمل بقيت يومي، تحس كدة انه بيرد روحي كريم بعقده حواجب وهو بيفتكر كلام بياعه الورد : اي دا يا ماما دا نفس كلامها بالضبط : كلام مين يا ابني كريم بشرود : هاا ولا حاجه يا أمي متشغليش بالك انتي هقوم انام شويه تعبت جامد النهارده في الشغل ____________ تاني يوم وزي كل يوم وزي عادته يرجع من شغله يتمشي شويه لحد ما يوصل الكورنيش اخد نفس وقعد في مكانه الي دايما بيقعد فيه علي الكورنيش وبص حواليه بتوهان وبعدين ركز في فونه : ورد يا بيه فل يا بيه رفع عيونه بسرعه وبص عليها وندلها : انتي يا بتاعت الورد : اهلا يا بيه فل ولا ورد كريم بابتسامه : لا انا عايز اعرف سر الورده بتاعت امبارح : سر اي كريم : اسمك اي الاول : واسمي يهم في اي كريم : ممكن تقولي فضول : اسم داليا يا بيه كريم : حلو اسمك يا داليا، يلا قوليلي اي سر ورده امبارح داليا : ما هو انا لو افهم سر اي الي بتتكلم عنه هقولك علي طول كريم بابتسامه : انتي قلتي ان الورده هتجيب لصاحبها الفرح وتفتح نفسه ودا الي حصل فعلا امي قالت لي كدا قالت ان الورده فرحتها وفتحت نفسها للحياه وردت فيها الروح نفس كلامك امبارح بالضبط، فقوليلي السر بقا عرفت الكلام دا ازاي داليا بابتسامه : بقي الحكايه كدا ، انا هقول لك يا بيه كريم مقاطعا : كريم، اسمي كريم داليا : يا بيه الناس مقامات و.. كريم : ناديلي كريم احنا ولاد تسعه وكلنا زي بعض ويلا متاخدنيش في دوكه واحكيلي داليا : الورد بقدرته يفرح اي حد يملكه اصل ربنا خلقه بسحره الي يمسكها يبتسم تلقائي الورده حاجه رمزيه بس ليه قدره تخلي اي حد بعد ما كان زعلانه انه يفرح بمجرد ما يمسكها ويشم ريحتها كانها بتفرح عبيرها الي يخليك سعيد سحرها بينتشر المكان الي هي فيه كريم بابتسامة: كل دا الورده تقدر تعمله داليا بابتسامه : واكتر بكتييير كريم : تعرفي انك انسانه عفويه وابتسامتك حلوه داليا ب**وف : متشكره كريم بضحكه : اي دا انتي بتت**في لا لا هاتيلي ورده حلوه من معاكي وخدي فلوس الوردتين النهارده وامبارح داليا بابتسامه بريئه : هاخد فلوس ورده النهارده لكن امبارح اعتبرها هديه مني للست والدتك لان شكلها كدا بتحب الورد وبتفهم فيه زي كريم : ماشي يا ستي تشكري يا ست البنات داليا بصته وهو بيقول ست البنات والعيون اتلاقت القلب دق ورعشه حلوه ظهرت في عيونها وبسرعه مدتله الورده ب**وف و اخدت الفلوس ومشت بدون ما تقول ولا كلمه كريم بص في الورده وهو مستغرب نفسه مش بعادته انه يتكلم مع ناس غريبه هو عادتا مكتفي بالناس الي حواليه ومش بيحب يتكلم مع حد غريب والغريب اكتر انه مشدود ليها في حاجه في كلامها شداه وبيبقي حابب يتكلم معاها وكل دا في يومين دا الي مستغربه ضحك علي تفكيره وشم الورده ومشي _______________ دخل مبتسم وبيمد الورده لمامته كريم : ورده يا ست الكل : اي يا كريم يا حبيبي كل يوم ورده كدا هتتحسد كريم بضحكه : هو انا عندي اغلي منك يا حبيبتي اهديه بورده : ربنا يهد*ك ويصلح حالك يا حبيبي ويرزقك بالزوجه الي تفرح قلبك كريم : زوجة اي بس يا أمي انا مبفكرش في الكلام دا يلا هروح اغير هدومي تكوني جهزتي الغداء عشان عندي كام مشوار كدا عايز اخلصه __________________& في مكان تاني قاعده في صالة بيتها وبتكلم صاحبتها داليا : انا مكنش عندي طريقه تانيه يا سهي سهي : انا بقول كدا من قلقي عليكي يا تكوني بتعلقي قلبك بحبال دايبه داليا : دايبه ولا لا مكنش قدامي غير الفكره دي عشان خاطر ياخد باله مني انا بقالي كتير ببيع ورد وهو بيجي يقعد في نفس المكان ونفس المعاد كل يوم واقول هياخد باله اني موجوده معاه في المكان وهو ولا هناا ولا واخد باله اني معاه علي الكوكب حتي سهي : طب واخرتها داليا بتنهيده : مش عارفه، كل الي اعرفه ان قلبي بيبقي مرتاح وهو بيتكلم معايا ببقي مبسوطه وانا شايفاه كل يوم سهي : انا مش عارفه اقول لك اي، خايفه اقول لك كملي الي انتي عايزاه وتتوجعي في الاخر وي**ر خاطرك وقلبك وانا معنديش غيرك يا داليا داليا : مش مهم بقا ي**رني المهم اكون حاولت. _____________ خلص غداء ونزل الشارع وعلي طول علي الكورنيش هو مكنش عنده شغل ولا اي حاجه عايز يخلصها هو كان عايز يشم هوا وبس عارف انه كبر وامه نفسها تفرح بيه ويتجوز وتشوف أولاده بس هو حزين في حاجه جواه م**وره مبقاش قادر يكمل كدا عادي ولا كأن حاجه بتحصل ولا كأنه بيتوجع كل يوم علي فرأقها وهو زي الغ*ي بيجي كل يوم نفس المكان الي كانوا بيقعدوا فيه _________ تاني يوم وفي نفس المعاد واقفه في قريب من المكان الي بيقعد فيه ومستنيه بجي ومستغربه انه اتاخر النهارده بعد نص ساعه انتظار جي وقلبها دق استنيته لما قعد وبعد شوريه قربت منه داليا : ورد ولا فل يا بيه كريم بهدوء : ازيك يا داليا داليا وهي بتبص في وشه الحزين ومش فاهمه هو ماله او فيه اي سالت بفضول : هو في حاجه يا استاذ كريم كريم بص لها بهدوء : اوقات بنبقي حاسين اننا عايزين نتغير ونبقي اقوي بس بيبقي في زي حاجز بيمنعنا اننا نقرب من التغير دا داليا بعدم فهم : مش فاهمه تقصد اي كريم بعد **ت اتكلم وهو بيبص عليها : مش مهم فكك مش حاجه مهمه المهم هتديني ورده النهارده ولا اي؟! داليا : انا هنا شاطره اوي في اني اسمع الناس وصدقني سرك في بير واحنا اصلا اغراب فعادي هتبقي مرتاح وانت بتتكلم كريم بعقدت حاجب : اغراب!؟ داليا : ايوا اغراب انت متعرفنيش وانا كمان يبقي اغراب كريم : بطلي هبل انا اعرفك جدا انتي داليا البنت الطيوبه بياع الورد اشطر واحده تعرف في قصص الورد والفل وتعرف تضحك علي عقول الزباين عشان يشتروا منه داليا بضحكه : طيب خليني اضحك عليك النهارده واقول لك قصه جديده عن الورد كريم بابتسامه : قصه اي داليا : تعرف ان الورد بيقرب الحبيب كريم بسرحان : بيقربه ازاي داليا وهي بتبص علي ملامحه بتركيز : يعني بيقرب القلوب المتخا**ه والبعيده انك تشتري ورده تهديها لحبيبتك وتبتسم لها وانت بتديها الورده هتبتسم ليك علي طول كدا عشان مفعول الورده هيشتغل كريم : بجد، ياريتني كنت سمعت كلامك من بدري كان زمان حاجات كتير اتغيرت داليا بحزن وفهمت كلامه وعرفت انه في قلبه حد وبيحب قالت بحزن طفيف وهي بتشيل الورد وهتمشي كريم : اي دا انتي راحه فين داليا : معلش يا بيه عشان مشغوله كريم وهو بينادي عليها : استني طيب هاتي ورده أديها لماما داليا وهي بتديلهو الورده : اتفضل كريم : انتي عارفه انا عاهدت نفسي ان كل يوم هاخد ورده من الي بتجيب السعاده دي واديها لأمي عشان هي فعلا بتفرح اوي لما بتشوفني جايبلها ورده داليا ببتسامه خفيفه : ربنا يخليهالك يا بيه كريم وهو بيبص للورده : وعاهدت نفسي بعد كلامك دا اني مش هدي ورد لحد تاني غير امي والبنت الي تستحق اني اديها قلبي وبكدا تقدري تعتبريني زبونك داليا : ربنا يريح قلبك يا بيه بعد أذنك كريم : استني فلوس الورده بس داليا مشت بدون ما تسمع كلامه مشت وهي بتحاول تضمد جروحها قاعده مع صاحبتها في البيت وبتتكلم وهي حاسه ان صاحبتها خايفه تقولها حاجه داليا : اتكلمي يا سهي قولي مخبيه عني اي سهي بتوتر : كريم طلع مسيحي داليا بصدمه :مسيحي!؟، يعني اي يطلع مسيحي، انا بحبه من زمان، ازاي يطلع مسيحي بعد كل ده مينفعش يكون مسيحي. سهي :معلش يا داليا، انا اول ما عرفت عرفتك، مكنش ينفع تتعلقي بيه اكتر من كده، كنت خايفة إنك تغرقي ف حب مش هيكمل. داليا :اغرق؟ هو انا لسا، هغرق، انا خلاص غرقت،بقالي اكتر من سنه بحبه ومعجبه بيه وبدعي يكون من نصيبي، ازاي يطلع مسيحي بعد كل ده، أنا لازم انساه، لازم احاول انساه، لازم اتخطى وجوده ف حياتي. سهي : صدقيني كل ده هيحصل، قومي طبع ركعتين لربنا، أنتِ لما بتكوني متضايقة بتعملي كده وبترتاحي، وإن شاء الله هتنسي وترتاحي. داليا وهي بتدعي في الصلاه : يارب انت اعلم بحالي وبحال قلبي انا بحبه يارب ابعد حبه من قلبي يارب وجع قلبي صعب ومش قادره استحمله خليني انساه بسرعه يااارب، يارب انا غلبانه ومليش غيرك انت قادر علي كل شئ طلع حبه من قلبي يارب. استووب ونكمل بعدين .... منتظره رايكوا بقلمي دنيا صابر

Free reading for new users

Scan code to download app

App Store Google Play

Facebookexpand_more