الفصل السادس ( كُن قدرى )

1172 Words

قاعده ع السفره و عماله تتكلم بحماس سمر : تعرفى ابنك دا لو متجوزنيش هعمل فيه اي؟ _هتعملى اي ؟ سمر : هحبه وأحبه أكتر ما أنا بحبه وهصبر حتى لو محبنيش.. بس هو غلس ع فكره ازاى مش قادر يحس بيا كل دا؟ .. اعمله اي علشان يفهم انى بموت فيه وانه مفيش حد غيري هيقدر يسعده.. هاه قوليلى اعمل ايه!!! _(ض*بتنى ع دماغى) اتهدى واقعدى بقا خيلتينى.. مش خطبك عاوزه اي تانى؟ سمر : خايفه يسيبنى ي ستى _ابنى راجل واما بيوعد بيوفى بوعده.. اطمنى واعقلى كدا سمر : عمرى ما قالى بحبك لغايه دلوقتى ! _هيقولها واكيد هييجى اليوم اللى يقولها من كل قلبه سمل بمزاح : من معاميع معاميع قلبه! _من معاميع قلبه سمر و هي تضمها : انتي أجمل حماه ف الدنيا دى كلها اقسم بالله ادهم شخص رزين كدا و هيبه و تقيل و عاقل كدا ف نفسه ع**ي تماما بيتعصب بسرعه و بيتنرفز ف ثانيه بس حلو و هو متعصب مخطوبين عشان خاطر مامته او دا طلب مامته و هو وافق عشان عمره ما بيرفض لها طلب بيحبها و مش بيحب يزعلها بس انا بحبه و بحبه و بحبه و هو جبل مش بيحس عمره ما قالي كلمه حلوه او قالي بحبك او حتي بصلي بصه تبين انه بيحبني بس انا وراه وراه و الزمن طويل ان مجبته ع جدور رقبته و خليته يدوب فيا مبقاش انا سمر عدى ٣ شهور واتجوزنا ولسه زى ما هو.. كلامه قليل جدا معايا واربعه وعشرين ساعه ماسك الكتاب و عمال يقرا انا بدأت اغير عليه م الكتب اللى بيفضل يشوفها اكتر منى.. سمر: بتعمل اي؟ أدهم: بقرأ، عاوزه حاجه؟ سمر: سلامتك أدهم: انتِ جايه منين ؟ _جايه م السوق قفل كتابه وفجأه لقيته بيقرب ليا.. جريت وانا قلبي وقع ف رجلى ، رغم هدوءه الا انه اما بيتعصب بيكون شخص تانى خالص..عارفه انه كان هيزعق عشان خرجت وروحت السوق من غير ما اقول له ~~~~~~~~~///// أدهم: سمر انا جعت.. خلصتى؟ سمر: ايوه ي حبيبي فاضل بس دقيقه ادهم: ماشي انا متأكده انه بيحبنى ، عيونه ، لمسه ايديه ، كل حاجه بتأكدلى انه بيحبنى ، بس لازم اسمعها... فى مره كنت قاعده مع مامته وبنخطط كالعاده عشان اوقعه فى حبى مستر حيطه دا _ ركزى معايا بقا علشان الخطه دى متأكده انها هتجيب نتيجه سمر: اي هي إلحقينى بيها بسرعه _لازم تبقى أنثى سمر(بصدمه): أومال انا اي؟ _ يعنى انتى مش شايفه البنات فساتين وكعب مش الجينز والقمصان اللي لبساها ع طول.. اي متجوز سيد صاحبه! قالتلي انه اى راجل بيحب يشوف الست بتاعته زي القمر وأحلى من اي بنت يشوفها.. رغم انه أعرفه انه بيهتم بالجمال الداخلي اكتر من مجرد الشكل بس قالت إنه مهم.. لبست فستان وعملت شعرى ولبست كعب ٥ سم مع اني مبعرفش أمشي فيه بس حاولت وكل ما بمشي خطوه بقع ! حاولت أتمالك نفسي وبدأت اجيب فيديوهات ع اليوتيوب وازاي اتحكم ف خطوتي؟! .. طفيت نور الشقه أول ما سمعته بيفتح الباب.. استخبيت ورا الباب علشان يتفاجئ.. دخل وساب مفاتيحه ع الطرابيزه وفجأه انا وبصوت عالي ناديت عليه.. سمر بصوت عالى: ااااادههههم بخ انتفض من مكانه من الخضه.. وجرى يفتح نور الشقه.. انا كنت عاوزه افاجأه هو اتخض ليه؟! سمر : اي ي حبيبي اتخضيت ليه؟ أدهم: يخربيتك اي دا؟ سمر ابتسمت: اي رايك عجبك فستاني وشكلي؟ أدهم: لا انا اقصد الخضه اللي عملتيهالي دي.. ف حد يخض حد كدا قربت منه وكنت عاوزه اض*به علشان مش شايف قد اي انا جميله ! قد اي كنت متحمسه وشايفه نفسي قمر ومستنيه يقولي كلام حلو.. قربت وانا بزعق وفجأه اتكعبلت وقعت ما هو انا برده مكنش ينفع البس كعب كدا دايما بطل هبله قدامه اوى كان مالى ومال الكعب وسنينه.. أدهم وهو مادد إيده: هاتي ايدك سمر: مش قايمه أدهم بهدوء: براحتك سابني ع الارض ولف وشه وكان لسه هيمشي.. سمر: هات ايدك قومني.. خلاص انت ما بتصدق كدا؟ أدهم ورافع حاجبه: ما كان م الأول زعلت جدا من طريقته.. بحاول أخليه يهتم بيا بس كل مره بفشل مش فاهمه العيب فيا انا وف طريقتي ولا دا طبعه واستحاله يغيره! مشيت وانا زعلانه وكنت خلاص هعيط بس بحاول اتماسك.. لسه مع أول خطوه رجلى انحنت لكن بسرعه جه ومسكني.. عيونا اتقابلت لفتره طويله ، لأول مره أحس انه عيونه بتتكلم فيها حاجه غريبه غير كل مره.. كنت حاسه انه عيونه بتقولي انتِ حلوه جدًا انهارده.. سمعت كلام كتير من غير ما يتقال بس حسيت.. سابني من ايده وقعدني ع كرسي... ادهم بهدوء وحنيه: شكلك حلو اوي انهارده سمر: بجد! أدهم: اه بجد لو مش بتعرفى تمشى بيه بلاش تلبسيه ~~~~~~~~~//// الخطه نجحت وشكل الصناره بدات تغمز الخطه الجايه متاكده انها هتجيب نتيجه (الغيره) زى النار وانا هلعب بالنار دي ويا تحرقنى يا تحرق التلج اللى فى قلبه دا ويدوب فى حبى وعلى راى الأستاذ هشام الجخ غيرة الراجل نار فى مراجل. الغيره.. رغم أنها طريقه مؤذيه جدًا الا انها ف منتهي النجاح. أدهم: بتعملي اي؟ سمر: ماسكه الموبايل وبقلب فيه.. تعرف مين بعتلي ادد دلوقتي! أدهم بعقدة حواجب: مين؟ سمر: عمر فاكره اللي كان بيلعب معانا واحنا صغيرين دا وكان هيموت ويتجوزني ولسه مازال يعني بيحبنى وكدا ادهم لا رد ..... سمر ومكمله: فاكر كمان إسلام دا اللي كان بيحبني ف الجامعه وجه وطلب ايدي بس انا يومها رفضت مع انه كان قمر وكويس جدا وفاكر.... فجأه وقطع كلامي ايده وهي بتضغط ع دراعي.. لولا اتحكم ف غضبه شويه كان زماني إيدى ات**رت ف ايديه.. تقريبا كدا كانت خطه غ*يه مني.. صوته بقا عالي جدًا وعروقه بقت بارزه وكأنه هيطلع نار من وشه!.. أدهم بغضب وعصبيه وصوت رجولى: اقسم بالله لو كلامك دا اتكرر تاني وحاولتي تستفزيني ما هيحصلك طيب يا سمر فاهمه؟! سابني ومشي ورزع الباب بايديه وتقريباً كان هيت**ر.. خطه متخلفه زيي كنت هروح فيها.. عدي ساعات كتيره اوي وهو لسه مجاش! فضلت كتير استناه وارن عليه مش بيرد.. لغايه ما حسيت إنى تعبت وجسمى كله واجعنى ومش قادره أقف على رجلى هو أتاخر كدا ليه! مكنتش واعيه لأي حاجه بتحصل حواليا.. لغايه ما حسيت بلمسه شفايفه على راسي.. ادهم بقلق: اي دا حرارتك عاليه اوي! سمر بهدوء وتعب: انت مبتردش ع موبايلك ليه؟ قلقت عليك ادهم بحنيه: انا اسف كان المفروض أجي ومسبكيش لوحدك كدا؟ سمر: انا اللي آسفه مكنش ينفع اقولك كدا و... حط ايده على شفايفي وقطع كلامي.. أدهم: بس خلاص.. مش مهم الكلام دا المهم انى بحبك سمر بصدمه: اييييه؟ ادهم: بحبك وبموت فيكي كمان وعارف بكل خططك.. سمر الحب مش كلام بنقوله علشان نتأكد انه بنحب بعض.. بحبك لما أحاول أسعدك وأهون عليكي زعلك بحضني.. بحبك لما تتعبي وأد*كي دواكي.. بحبك لما قررت أقولك بحبك وهفضل أقولك كلام أحلى علشان انتِ حابه كدا.. بحبك لما هتغير وأكونلك حبيبك اللي بتتمنيه.. بحبك لما أكون أنا سبب ابتسامتك المرسومه ع شفايفك دي سمر بغباء و الابتسامه مرسومه على وشها: أدهم بسرعه بسرعه أقرصنى فى كتفى بسرعه يا أدهم ادهم بإستغراب: ليه سمر: عشان أتاكد انى مش بحلم ادهم بضحك: هتعقلى إمتى يا سمر وتبطلى جنانك دا سمر بجديه مصتنعه : انا لو بطلت جنانى دا وعقلت يا أدهم صدقنى مش هعبرك اصلا أدهم ورفع احد حاجبيه: ليه ان شاء الله يا ست سمر سمر: عشان انت لا تطاق يا ادهم ادهم وبيربع أيديه: لا والله؟ سمر بضحكه: لا تطاق بس بحبك برضوا ادهم وهو بياخدها فى حضنه: وانا بحبك يا مجنونه. تمت وانا كمان بحبكوا والله ? #دنيا_صابر

Free reading for new users

Scan code to download app

App Store Google Play

Facebookexpand_more