“Alam mo Ate, if I were you, aalis na ako dito at maghahanap na lang ako ng ibang trabaho. What if malaman ng mga kakilala natin na pagiging yaya lang ang kinahantungan mo? Nakakahiya ’yon para kay daddy. Are you that desperate para agawin sa ’kin ang fiance ko? Sa pagkakaalam ko, hindi pa naman nauubos ang lalaki sa mundo,” ani Alexa sa mahinang boses dahilan upang mag-angat siya ng tingin dito.
Hayagan ang pang-iinsulto nito sa uri ng trabahong pinasok niya. Gusto na niyang kuyumusin ang bibig nito pero hindi naman siya bayolenteng tao. Isa pa ay ayaw niyang bigyan ng sakit ng ulo ang mga magulang ni Bryce. Nakakahiya.
Kaaalis lang nina Bryce at Caitlyn. Nagpaalam ang binata na magpapalit daw muna ng damit. Sumama naman dito si Caitlyn na balak daw magbanyo kaya silang dalawa na lang
