“Blaire, pinatatawag ka ni Arce sa library niya. Ako na muna ang bahala dito kay Caitlyn,” ani Manang Dency nang pumasok sa kuwarto ng kaniyang alaga.
Kumunot ang noo niya. “Pinapatawag niya po ako? Bakit daw po?” may pagtataka sa tinig na tanong ni Blaire.
“Hindi ko alam, Iha. Ang mabuti pa ay bumaba ka na dahil ayaw niyang pinaghihintay nang matagal.” Apura ng mayordoma.
Lumapit sa kaniya si Manang Dency. “Ako na diyan sa ginagawa mo. Itatali na lang ba ’yan?” tanong nito na ang tinutukoy ay ang buhok ni Caitlyn na nakatirintas mula sa batok hanggang dulo.
Ngunit bago pa siya makapagsalita, agad na umalela si Caitlyn. “Grandpa can wait, Manang. Please, let Tita Blaire tie my hair first.” Mahigpit siyang pinigilan ni Caitlyn sa braso upang hindi siya makaalis.
Nagpakawala ng isa
