Matias POV
Nasa veranda ako nang makita kong tuluyang lumabas sina Gladerious at Ms. Avvi, parehong kalmado ang kilos, pero halatang may pupuntahan. Hindi ko na kailangang hulaan pa. Cellphone. Kailangan ni Ms. Avvi.
Ngunit ang hindi ko inaasahan… ang dalawang lalaking sumunod sa kanila.
Ang mga binayaran ni Pareng Edmund, hindi sila sumusunod kontrata, sa halip parang ginagalit pa kaming dalawa ng kaibigan ko.
At hindi maganda ‘to…
Agad akong tumalikod at nagmamadaling bumalik sa kwarto. Habang nagpapalit ng damit, nakaipit ang cellphone ko sa tenga.
“Pareng Ed,” mababa kong sabi, halos pabulong. “Lumabas na sila. Pero may kasama.”
“Sinong kasama?” agad niyang tanong.
“Si Santi… at si Edzel.”
Saglit na katahimikan ang sumunod sa kabilang linya.
“...Akala ko ba wala na ‘yang si E
