Alexandria Mansion
Nasa isa sa mga kwartong naroon si Gerardo Magpantay. Alam niya ang dating pangalan na pilit na pinakakalimutan sa kanya ni Erencio Carbonel. Binili nito ang anak niya. At wala siyang kwentang ama dahil nagawa niyang pumayag sa mga kagustuhan nito para lang makabayad sa malaki niyang pagkakautang.
Takot siyang malugi sa Negosyo, kaya kaliwa’t kanan ang utang niya. Ang problema, palagi siyang bigo. Mula nang maging nobyo ng panganay niya si Edward Carbonel, mas tinaasan niya ang pangarap niya dahil ayaw niyang habang buhay na may utang na loob si Riya sa pamilya ng mapapangasawa nito. Hindi nga lang siya talaga natuto sa Negosyo kaya sa huli, imbes na kumita, nalugi siya at nabaon sa utang.
Sumabay pa ang aksidente ng panganay niya kaya
