Nakatingin nga ako sa Engineering booth kung saan masayang-masaya ang mga barkada kong Koshi. Bukod sa nawalan na ako ng oras sa kanila ay masisira ko pa ang kanilang gabi. Ngunit kailangan ko talaga nang makakausap at tunay na mga kaibigan.
Habang nag-iisip ako na lumapit ay sumasagi sa aking isipan ang mga salita ni Ate Bella.
Totoo bang ako ay panakip butas lamang ni Onse? Katulad ba nang kanta na Isang Linggong Pag-ibig ang namamagitan? O ito na ba ang pagbabanta niya na siya ay maghihiganti sa akin matapos ang mga naging kasalanan ko sa kaniya? Ganito ba talaga ang nararanasan ng mga kaibigan kong baliw sa pag-ibig?
Dati-rati ay naiinis ako kay Flora kung bakit iniiyakan niya ang kaniyang kasintahan. Nahuhusgaan ko ang mga kaibigan kong umiiyak nang dahil sa pag-ibig. Sabi ko pa ng
