“Oy, Montefalco! Himala talaga at wala na kayong komunikasyon ni Onse,” nakangiting sabi ni Freya habang naglalakad kami patungo sa gate ng Plang. “Baka may bago ka na tapos hindi ka nagsasabi.”
Natutuwa rin ako sa aking sarili ngunit hindi ko alam kung hanggang saan ako magiging matatag. Isang tao pa rin ang higit na tumatakbo sa aking isipan at araw-araw akong umaasa na darating siya sa aking boarding house. Magugulat na lang ang kaibigan kong ito na marupok na naman ako.
“Totoo siguro na crush mo si Ben, hindi naman iyun imposible at hindi nakakapagtataka.”
“Freya, ano ba ang tunay na nais mong sabihin?” Katanungan ko at nakangiti lamang siya sa akin. “Freya naman, nakakainis!”
“E, mukhang naririnig kong may bago kang kaibigan at isa sa mga boardmate mo.”
“Tapos?”
“Umamin ka na sa
