Leon
Likás sa akin ang pagiging detached, dahil may ugali akong paghiwalayin ang iba’t ibang aspeto ng aking buhay. Pinapadali nito ang mga bagay-bagay at nagbibigay daan para magtagumpay ako sa mga hangarin ko mula pa noon. Ngunit isang maliit pero mabigat na puwersa ang pumasok sa buhay ko at binago ang lahat. Para akong sinapian isang linggo matapos ang pagkikita namin ni Annika, at pakiramdam ko’y para akong nasa labas ng aking katawan. Ang nakakalasing na amoy ng kanyang pabango ay nananatili pa rin, at ang bahagi ng braso ko na nahawakan niya ay parang natatakan na niya. Ang kanyang tapang at galing sa paghawak ng mga hindi inaasahang sitwasyon ay nag-iwan ng matinding impresyon sa akin. Lahat tungkol sa kanya ay nagsusumigaw ng awtoridad, ambisyon, potensyal, at, higit sa lahat, ka
