Third Person
One Year Later
"Baby Bear, handa ka na ba?" tanong ni Beau kay Annika habang pumapasok siya sa bridal suite nito.
Isang taon na ang lumipas mula nang tuluyang matapos ang lahat ng kaguluhan. Pitong buwan matapos maayos ang lahat, isinilang ni Annika ang isang malusog na sanggol na babae—Adelina Jasmine Von Doren.
Ngayon, sa wakas, ay araw na ng kanilang kasal. At kung sasabihin mong pinaghandaan ito ni Leon, isang malaking kabawasan pa iyon sa totoong nangyari. Bagamat napagdesisyunan nilang gawing mas maliit ang kasal sa Santorini, hindi ibig sabihin ay hindi ibinigay ni Leon ang lahat upang matiyak na magiging perpekto ang araw na ito para kay Annika.
Ipinare-reserve ni Leon ang buong Canaves Oia Boutique Hotel para lamang sa kanilang pamilya at malalapit na kaibigan. A
