Third Person
Lumipas ang ilang oras mula nang kanilang hindi inaasahang pagkikita, ngunit ang presensya ng babaeng kasama ng pamilyang Hollands ay patuloy na nagdulot ng mabigat na tensyon sa penthouse. Ang epekto ng kanyang mga sinabi ay naramdaman hanggang sa hapunan, at lalo itong naging malinaw habang nagsisimula ang kainan. Dumating ang pamilya Malloy nang mas maaga, na nagbigay ng sapat na oras upang makipagkwentuhan sa pamilya Silverton, at sakto namang nakabalik si Royce bago ihain ang pagkain. Pag-upo pa lang niya, agad niyang sinita si Annika at pinagalitan ito dahil sa pagpapadala kay Jorge para manmanan ang babaeng naka-engkwentro nila kanina. Nagkunwari si Annika na walang alam, ngunit hindi ito umubra dahil agad namukhaan ni Royce si Jorge habang sinusundan ang babae. Hindi
