Kahit na ang totoo ay atat na siyang makabalik ng silid nila ni Chelsy ay nagkukunwari pa rin siyang nag-aalala kay Derrick.
“Sir Derrick. Mag-ingat po kayo.” Tumango ito sabay mabilis na lakad paalis sa kanilang kinaroroonan. Samantalang siya ay iginiya na One pabalik sa loob ng silid.
“Sir, ano po ang sinasabi nilang emergency? Alam niyo po ba kung ano ’yon?” nagbabakasakali niyang tanong dito.
“I am not authorized to say those information, Ms. Zhyn.” Halos natulala siya sa mala-robot nitong pagsagot sa kanya.
“Gano’n ba . . .” Dismayado siya ngunit hindi pa rin natitinag sa kanyang balak gawin. Tahimik na lamang siyang naglakad habang nasa gilid niya naman ito. Mistula siyang nakatayo sa gilid ng poste dahil sa tangkad at laki nito.
“Narito na po tayo. Tawagin niyo lang po ako ’pag
