Nakarating si Larah sa universidad ng muntik na siyang madisgrasya sa daan. Dahil laging dumidilim ang paningin niya. Sa underground siya dumaan tulad noong nakaraan. Nang makababa siya sa motor pasuray-suray siyang naglakad patungo sa pintuan ng elevator para makaakyat sa taas. Gusto na talaga niyang magpahinga. Pakiramdam niya kasi nawawalan na siya ng lakas.
Nang tumapat na siya sa pintuan ng elevator hinubad niya muna ang suot na pantalon at jacket bago sumakay paakyat. Nagulat si Mrs Sanchez nang makita siya na lumabas sa silid nito. Dali-dali siya nitong dinaluhan.
“Ms. Fernandez, hindi mo dapat nilagay ang sarili mo sa kapahamakan. Kayo na lang ni Zander ang natitira kailangan n’yong mag-ingat.” payo nito sa kanya habang naglilinis sa sugat niya.
“Ok lang ako,” tangi
