2

2935 Words

اصوات الموسيقي العاليه الصاخبه تملأ ارجاء المكان الم***فات تتراقص وتتنقل هنا وهناك وكؤوس الخمر والنبيذ تُسكَب كالشلالات. كل طاوله لا تخلو من الرجال و العاهرات وهناك بإحدي الزوايا المنعزله بعيدا عن هذا الازدحام طاوله واحده يقبع عليها هذا الجهاد الذي لا يعجبه شئ مع اصدقائه كما يزعمون احمد و جلال احمد : مالك ياعم جهاد م تفك انت قافش من ليله امبارح .. م تروق كده دا الدنيا حلوه اهي والنسوان مسخره ليستمعو لصوت احدي فتيات الليل بضحكتها خريعه عاليه :هيهييييييييييي ليردف كل من جلال واحمد بلحظه واحده بمرح وضحك : ساااافله لينظر لهم جهاد باستهزاء وشبح ابتسامه علي وجهه ليكمل سيجارته بينما تتقدم احدي الفتيات بملابسها العاريه تجلس بأحضان جهاد لينظر لها باشمئزاز ويقول بجمود وحده: قومي يامره لتنهض وتنظر له قاطبه جبينها : انت بتكلمني انا كده ياباشا!! جهاد : امال بكلم نفسي ياروح امك .. هو انا سمحتلك تقعدي !! ليتحدث جلال محاولا تهدأه الامور وهو يمسك بيد الفتاه : اهدي بس الباشا ميقصدش تعالي هنا لترتمي بأحضان جلال : - ايه اللي مزعل القمر ده الفتاه: يرضيك كده يعني الباشا الكبير واللي عملو جلال: سيبك من الباشا الكبير خليكي ف الباشا الصغير ...القمر بقي اسمه ايه لينهض جهاد يأخذ متعلقاته من علي الطاوله ليقول: امر بالستر .. هتتزفتو تيجو ولا لا تحدث احمد الذي لم يتوقف عن الضحك مما يفعله جهاد من جمود مع الفتيات وصديقه الاخر جلال الذي يلهث خلف اي فتاه : انا عن نفسي جاي شوف الدنجوان لوح لهم جلال بيده وهو يغمس وجهه بداخل شعر الفتاه يستنشقه بشهوه ويحاوط خصرها بيده الاخري بمعني : (روحو انتو) ليضحك احمد ويقول: كده الاجابه وصلت .. يلا بينا ياجهاد الدنجوان مش فاضي جهاد لجلال: ولاااا الصفقه لو متمتش بالمبلغ اللي قلت عليه واليوم اللي اتحدد متزعلش مني ليتأفف جلال وينظر له بضيق: اعملك ايه يعني ... م تسافر انت وتكمل الاتفاقيه ولا هي السفريه مكتوبه باسمي انا انت عارف اننا اخري اتفق انما سلم واستلم ده مش شغلي جهاد وهو يقترب من وجه بغضب : طب كويس انك عرف*ني ... علشان ابقي اغير طقم الحريم اللي بشغله معايا طالما مبعرفوش يتصرفو هب جلال واقفا بعضب لتغادر الفتاه التي كانت معه : تقصد ايه يا جهاد .. ليتدخل احمد بينهم: اهدا ياجلال في ايه يارجاله متنسوش احنا فين .. مينفعش كده جلال: قول لصاحبك يحاسب علي كلامه جهاد بنفاذ صبر : خلاصته الصفقه هتخلص بكره .. بالطول بالعرض تخلص ثم تركه وانصرف مغادرا المكان لينظر جلال لأحمد بغضب فيسرع احمد بالرد: اهدا معلش انت عارف ابوه والمشاكل اللي بينهم ... وانت عارف انه مينفعش يسافر واحنا متفقين علي ده .. ومش بعد اللي وصلناله والفلوس دي كلها حته مشكله بينا تطير كل ده اقعد كده واهدا وروق مع مزتك اللي جايه عليك ليجلس جلال علي مضض لتتقدم احدي الفتيات وتجلس علي فخذيه معانقه رقبته ليبتسم لها بسخريه ويبدأ بتقبيلها بعنف يفرغ غضبه الذي ملئه منذ قليل ================================= - وحشتيني قووي - وانت كمان وحشتني - مهو واضح ... بقالك شهرين اهه منزلتيش النادي ... ومبترديش علي التليفون حتي ... دانا قلت انك نسيتييني - انا أسفه ياماجد حبيبي بس كنت تعبانه شوية ماجد: حبيبك!! - ماااجد وبعدين معاك ماجد: همس مبقتش قادر استحمل احنا لازم نتجوز ف اقرب وقت همس: وانا خايفه من ود (رد) فعلهم هنا ... تفتكو (تفتكر) هيوافقو علي موضوعنا ده ماجد : تقصدي يعني علشان فرق السن ... همس ياحبيبتي انا هحارب العالم كله علشان تبقي معايا وباسمي مش هسمحلك تبعدي عني همس: انا بحبك قوي ياماجد ماجد : وانا بعشقك يا روح قلب ماجد همس : طب انا لازم اقفل دلوقتي في حد بيخبط ع الباب ماجد: ماشي ياحبيبتي خلي بالك من نفسك همس: حاضو (حاضر) وانت كمان .. مع السلامه لتقف همس تفتح باب غرفتها لتجد سامر والدها يقف مبتسما فترسم ابتسامه خفيفه علي ثغرها وتدخل للجلوس علي فراشها دون كلام ليدخل خلفها سامر ويجلس بجوارها ويربت بيده علي رأسها : همسي الحلوه قاعده لوحدها ليه همس : منا طول عموي (عمري) لوحدي يابابا سامر: انا عارف اننا غبت عنكم ياهمس كتير بس حبيبتي غصب عني .. انتي عارفه ظروف شغلي همس : عاوفه ( عارفه) يابابا ولا يهمك سامر : طب انا مش عجبني قعدتك كده ف الاوضه علي طول ... تعالي ننزل الشركه ولا نروح النادي وبعدين نطلع ع المطار نستقبل اخوكي ومراته و العفريته الصغيره دي وحشتني قوي .. همس : معلش يابابا انا تعبانه ومش هقدو (هقدر) سامر: طب متنسيش اخر الاسبوع عمك ابراهيم الدميري هو وابنه وائل جايين لتنهض همس واقفه بغضب : بابا انا سبق وقلتلكم مش عاوزه اتجوز انا ... مش عاوزين تفهمو ليه سامر بجمود ونبره لا تحتمل النقاش : صوووتك ميعلاش ... متنسيش انك بتكلمي ابوكي وبعدين مش شايفه نفسك وحياتك همس : مالها حياتي يابابا..خلصت دراساي وبشتغل فيها ايه.. سامر: فيها ان انا مش هعيشلك العمر يا همس..فيها ان انا عاوز اطمن عليكي يابنتي همس: بابا لو سمحت متغصبش عليا ف حاجه زي دي ومتعملش زي ماما سامر: متفهميني ليه .. ليه رافضه تخرجي بره الدائره اللي انتي معيشه نفسك فيها .. دانتي حتي صحاب مفيش طول اليوم قافله علي نفسك اوضتك لا بتخرجي ولا بتنزلي حتي تقعدي معانا لو في حد ف حياتك ياحبيبتي صارحيني بيه !! لتتوتر همس : حد!! ححد زي مين يعني سامر : معرفش انا اللي بسأل .... ليمسك سامر بيدها ويجلسها امامه ويكمل: طب ايه رأيك نبدأ من اول وجديد ... تعالي نتكلم كأننا صحاب وانا هقبل منك اي حاجه تقوليها همس: يابابا صدقني مفيش حاجه سامر وهو يزفر بضيق : ماشي عموما انا موجود لو احتاجتي انك تتكلمي معايا هتلاقيني قدامك ليتركها ويغادر الغرفه ... لتستلقي همس علي فراشها ضامه قدميها لص*رها كوضعيه الجنين واخذت دموعها تنهمر وتتحدث بداخلها : ياويتك (ياريتك) كنت موجود من زمان يابابا .. بس انت عموك (عمرك) م كنت موجود .. كنت دايما بعيد عني ... حتي يحيي عموه (عمره ) م كان قويب (قريب) مني ولا كان حتي صاحبي محدش قويب مني غير ماجد ... هو اللي حبني واهتم بيا كان اب واخ وصاحب وحبيب انما انت كنت فين .. كنت فين لما كنت اوجع من المدرسه وف ايدي شهادتي علشان تشوفها وتفوح معايا كنت فين يوم تخوجي يوم م كنت عاوزاك تحضني وتقولي انت فخوو (فخور) بيكي كنت ف شغلك دايما وماما مهتمه بست داوين (دارين ) انما انا مش موجوده اصلا .. مش ف حياتهم انا مش هتجوز غيو (غير ) ماجد مش عاوزه اعيش مع حد غيوه .. ولا عاوزه اعوف حد غيوه بس خايفه يوفضو (يرفضو) ... خايفه يقفو قصادي خايفه يمنعو عني الحاجه الوحيده اللي بتفوحني نهضت معتدله تمسح دموعها تلتقط هلتفها وتضغط عليه وتنتظر بضع ثواني ليأتيها الرد : ايه ياحبيبتي خلاص !! همس : ماجد هستناك ف النادي كمان ساعتين هتكون خلصت الجامعه !! ماجد : اه ياروحي هخلص علي 3..... 3 ونص نتقابل هناك همس : خلاص هستناك مع السلامه اغلقت هاتفها بعد هذه المكالمه البسطيه لتنظر امامها عازمه امرها بجديه تامه ================================= دلف لمنزله وهو علي يقين ان هذا اليوم لن يمرء مرار الكرام تنفس الصاعده حين لم يجد احد ببهو الفيلا فصعد الدرج ولكنه توقف حين وجد امامه والده يقف بهيبته التي لن تبتعد عنه هيبته التي تجعل اكبر رجال الدوله تنحني له احتراما ابتلع ريقه بضيق وخوف مما سيلقاه الآن وصعد بهدوء ليقف قبالته كالطفل الصغير ليبدأ سيف بالحديث بعد **ت ساد بينهم لعدة دقائق سيف بتهكم : يارب تكون الاقامه عندنا عجبت سعادتك يافندم جهاد : بابا لو سمحت انا جاي تعبان ومحتاج انام سيف بصوت عالي: تعبان لا الف سلامه ياحبيبي ..ياسما تعالي لو سمحتي هاتي ميه بملح للبيه علشان نغسله رجله ويلحق ينام...مهو لازم ينام مش حيله مهدود طول الليل ف الوساخه جهاد بضيق: وساخه ايه يابايا انا كنت مع صحابي يعني والوقت سرقنا م اجرمتش يعني في هذا الوقت لمحت سما جهاد وهو يصعد ليواجه مصيره مع والده لتهرع الي غرفتها وهي تض*ب صدغها بخوف لتلتقط هاتفها تهاتف أيهم ما هي الا بضع ثواني حتي اتاها الرد أيهم: ايه ياقلبي لحقت اوحشك سما : أيهم تعالالي بسرعه الله يخليك أيهم بقلق في ايه ياماما انا ف الطريق اهه حصل حاجه !! سما بخوف: ابوك مع جهاد بره وانا خايفه علي حد فيهم يحصلو حاجه خايفه ابوك يتعب يابني هو مش حمل عصبيه أيهم بزفر : ياماما م تسبيه يربيه هو هيحصل ايه يعيني بابا مانع نفسه عن جهاد بس انتي عارفه انه هييجي يوم ويقع تجت ايده كويس سما : ياباي يا أيهم هو انا متصله بيك علشان تقطمني ولا تلحق اخوك أيهم بضيق : حاضر ياماما خلاص انا وصلت اهه يلا سلام. ليقف أيهم بالسياره ويلتفت للقابعين معه ليتحدث بحده: حسابكو انتو الاتنين معايا بعدين احمدو ربنا اننا كنت موجود مع أوس المرا دي... لاني واثق انه هيتغابي عليكو علشان ده دراعه سابق مخه هفوقلك يانورسين ولتصرفاتك حاضر لما نخلص من المصيبه اللي جوه دي الأول اتفضلو انزلو .. ليهبط كل من أيهم ونورسين وفرح بينما بالداخل يشتد النقاش بين الاب وابنه جهاد: بابا انا مبقتش صغير علشان تعاملني كده سيف: هتفضل طول عمرك عيل صغير ف نظري عمرك م هتكبر وهتفضل فاشل زي م انت ولا ليك اي لزوم دا اخوك التوأم يا اخي بقي استاذك ف الجامعه يابو 26 سنة هتكبر امتي جهاد بضيق وانفعال: ايواااااه اسطوانة كل يووم بقي ومش هنخلص ليمسكه سيف من تلابيب ملابسه : قسما بالله م عرفت اربيك ياوسخ يابن الكلب لينفض جهاد يد والده بقوه منه ليرتد سيف للخلف ليجد يد أيهم صافعه وجهه بقوه لينظر له جهاد بغضب ويدفعه بقوه من ص*ره ثم لكمه بشده ليتراجع أيهم خطوات للخلف اثر لكمه جهاد تحت زهول سيف و**ته لتركض سما تجاههم وتفرد ذراعيها مانعه احد من الاقتراب من جهاد لتحول بين جهاد وسيف وأيهم : ابوس ايد*ك ياسيف خلاص عيل وغلط.... يا أيهم عشان خاطري علشان خاطر امك ياحبيبي ليعلو صوت سيف : وعلشان خاطر امه بقي ورحمة امي انا مهو قاعد ف البيت ده ليجذب سيف جهاد من ملابسه من الخلف وهبط به الدرج ليصل لباب الفيلا ويلقي به خارجا بينما امسك أيهم بوالدته التي انهارت واخذت تصرخ وتبكي : لا ياسيف ابني لا ابوس رجلك انا هعقله بس بلاش يمشي ابني هيضيع ياسيف لااااه صفع سيف الباب بوجهه جهاد بينما **تت سما بعد ان هوي جسدها علي الارض بأحضان أيهم تنظر لأثر ابنها بدموع تنهمر ب**ت تام وتلوم سيف نظر لها سيف بغضب وهو يلهث بشده ويشعر بألم بداخله ليضع يده علي موضع قلبه ويلتف ليجلس علي اقرب اريكه تقا**ه ليساعد أيهم والدته علي النهوض ويدلف بها لغرفتها يجلسها علي فراشها ويقبل رأسها ويدها بلطف : متخفيش هيرجع .. انا هنزل اطمن علي بابا لم تجبه سما فقط تنظر للأمام ب**ت ودموع تنهمر بغزاره ليتن*د أيهم وينهض للخروج ليري فرح تقف امام باب الغرفه ودموعها تنهمر واضعه يدها علي فمها تكتم شهقاتها ليقبل رأسها ويبتسم لها برقه ويربت علي وجنتها متخفيش هاتي نورسين و اقعدو جنب طنط سما لعند م اشوف بابا تحت لتومئ له واتجهت لغرفة نورسين لتجدها تتحدث في الهاتف بصوتها العالي نورسين: انت بتزعقلي ليه !!! مش هو اللي غلطان وبعدين حضرتك نزلت زي القضا المستعجل من العربيه وطحنته لولا أيهم كان معاك كنت زمانك مموته وموتني انا كمان معاه أوس: لا والله يعني كنتي عاوزاني اسيبه يعا** متقولي ان الموضوع كان عجبك وجاي علي مزاجك بقي نورسين: أوس احترم نفسك أوس: ايه احترم نفسك دي .. انا كام مره نبهت عليكي متحتكيش بحد وتتتزفتي تغوري تمشي لو لقيتي موقف زي ده نورسين: انا مش عيله صغيره علشان اسكت وامشي ..انا ربيته علي اللي عمله أوس: ربيتي ايه ياشبر ونص انتي .... م تبطلي مكابره وعند بقي وقلة ادب نورسين بصراخ: انا مش عنديه ومحترمه غصب عنك يا أوس أوس بوعيد : ماشي يانورسين انا هوريكي الاحترام علي اصوله علشان تبقي تقفي تتجادلي مع وسخ زي ده ف الشارع تاني وت**ري كلمتي ومترجعيش تعيطي بقي نورسين: انت ملكش حكم عليا علشان تزعقلي كده انت سامع .. وانا حره اقف مع اللي عاوزه اقف معاه واعمل اللي انا عاوزه ..الو .. الو أوس سامعني !! ياحيوااااان قفل السكه ف وشي .... يانهار اسود يبقي جاي لتلتف نورسين بغيظ وخوف لتجد فرح الواقفه امام الباب تبكي في **ت بحرقه وألم لتتحدث نورسين بضيق : يووه انتي كمان بتعيطي ليه !! فرح ببكاء وكلام غير مفهوم: جه..اد.. مش.ه.شو.ف.ه ت.ات..ني. نورسين بضيق : يابنني بطلي عياط انا مش فاهمه منك حاجه وبعدين فيها ايه يعني م هما متعودين علي كده يومين وهتلاقيه راجع ماما كويسه!! لتومئ لها فرح ويتحركان تجاه غرفة سما ================================= بمنزل سامر تجلس عشق تتحدث مع سامر حول حالة همس التي اصبحت علي غير عادتها ليقاطعهم صوت هذه الصغيره صاحبه ال 4 اعوام وخلفها والدها ووالدتها يبتسمان علي طفلتها نجدها تجري تجاه جدتها وهي تصرخ بإسمها -إيشووووووو ليلتفت كل من عشق وسامر لمص*ر الصوت وترتسم الفرحه علي وجوههم فورا لتنهض عشق وتفرد ذراعيها تلتقط هذه الصغيره من علي الارض بداخل احضانها فحقا اشتاقت لها عشق: ياقلب وروح إيشووو انتي رتيل بلطف: انتي وحثتني قوووي قوووي قووووي عشق: وانتي وحشتيني قققققد البحر رتيل: امال فين ديلووو!! ليتحدث سامر بغيظ : ماشاء الله طالعه قليله الاصل لأبوكي يحيي : الله طب وليه بقي الغلط كده يا حج ابوها ماله دلوقتي سامر بحنق : بس يالا ... تعالي يا قليلة الربايه سلمي علي جدوو رتيل بصدمه وعيون متسعه: جدو قليل الادب لتتحول ملامح وجه سامر ويصبح احمر كالبركان وينفث دخانا ليبتلع الجميع ريقه بخوف ليلتقط يحيي ابنته بشكل مرح من ملابسها من الخلف لتصبح معلقه بيده في الهواء ويلوح بيده الأخري لسامر كي يهدأ بينما تحاول عشق وشهد كتم ضحكاتهم يحيي : اييييه عيله وغلطت .. هتحاسب عيله فاقده للأهليه ولا ايييييييه سامر : هقول ايه مهو عيل مش متربي لازم يخلف عيله مش متربيه رتيل : جدوووو انا متلبيه انا بقلك اهووو ..نزلني يابابي سامر وهو يحاوط كتف عشق : بقلك ايه ياعشق مسمعتيش صوت صرصار كان بيتكلم دلوقتي رتيل بغيظ طفوولي ولا زالت تلوح بقدمها في الهواء كي تتحرر : انا مش صلصااااال ... يابابااابي نزززلنااااي سامر: بس يابت انتي معندناش صراصير بتمشي ع الارض عارفه الصراصير بيتعمل فيها ايه رتيل ولا زالت معلقه ف الهواء مربعه يدها وخدودها المنفوخه من شده الغيظ : لا معلفش سامر وهو يبعد عشق عنه ويتحرك ببطئ تجاه رتيل : بيتعمل في كددددده ليلتقطها سامر واخذ يدغدغها ويضحكان ويعض خدها لتتذمر ثم يعيد دغدغتها مره اخري ليجلس الجميع يشاهدو الجد وحفيدته وهما يلهون حتي تصرخ رتيل من بين ضحكاتها: ايييههههه دههههه همس اههههههي يا جدووهههه بس بههههقاا لينظرو للخلف ليجدو همس تنزل من الدرج لينظر سامر بابتسامه ان ابنته خرجت واخيرا من غرفتها لتتحدث شهد لرتيل: يامقصوفه الرقبه اما قلتلك مليون مره اسمها عمتو لتركض رتيل تجاه همس تحتضنها وهي تقول : لا هي اسمها همس فتبتسم همس بخفه وتبادلها الاحتضان وتحملها تذهب لتقف امامهم : ازيك يايحيي .. ازيك ياشهد حمدلله علي سلامتكو يحيي/شهد : الله يسلمك ياهمس لينهض يحيي ويحاوط عنقها بمرح يحيي: ايه الوطينه دي يابت تبقي عارفه اخوكي راجع النهارده ومتستنيش كده ع الباب بالأحضان همس بابتسامه خفيفه: هههه معلش بقي يايحيي لينظر لها يحيي باستفهام : مالك ياحبيبتي شكلك مش عجبني لتزيح همس يد يحيي عن عنقها : مفيش انا كويسه ... انا خارجه شويه للنادي رتيل وهي تصفق بيدها : هيييييييي انا هاجي معاتي همس بضيق : ريتو عاوزه اقعد لوحدي شويه عشق : خديها معاكي ياهمس مش هتخسري حاجه يعني شهد : خلاص يارتيل احنا لازم نطلع ناخد شاور علشان نرتاح شويه تذمرت رتيل وربعت يدها ونظرت لهم بعيون دامعه لتتن*د همس بضيق : يالا انا عارفه اني مش هخلص منك النهارده لتمسح رتسل دموعها وتبنسم بمكر فها هي قد استخدمت وسيلتها الخبيثه لتحقيق مرادها ومبتغاها لتركض تمسك بيد همس ويغادرو تحت انظار سامر الغامضه ويحيي المستفهمه بينما دلفت عشق وشهد للمطبخ يحيي: هو في ايه يابابا سامر: والله م اعرف يابني بس اختك فيها حاجه غير طبيعيه يحيي: حضرتك محاولتش تتكلم معاها !! سامر: غلبت انا وامك بس مفيش فايده بقالها شهرين انطوائيه وقاعده ف اوضتها مبتخرجش منها دا دي يعتبر اول مره تخرج علشان كده معترضتش المهم وصلت لإيه ؟! يحيي: تمام زرعنا الوسيط بتاعنا مع راس المافيا واخباره كلها هتوصلنا اول بأول ... وانا كده كده كنت متابع مع أيهم هو اللي ماسك القضيه هنا لعند م ارجع وبكده اكون انا خليت مسؤوليتي وتنتقل للقوات الخاصه يشوفو شغلهم سامر: وعرفتو الدراع اليمين له هنا يحيي: لعند دلوقتي التحريات بتقول قربنا بس انا واثق ان الدائره جوه مصر اكبر بكتير مما كنا متوقعين دا غير الانشطه الوسخه اللي بتتعمل من بيع البنات وتجارة الاعضاء والهروين كل ده غير الاسلحه طبعا مافيا يابابا مبتهزرش اومئ سامر برأسه وربت علي كتف يحيي: ربنا يعينك يابني ... لو احتجت حاجه متترددش يحيي: عيب عليك ياسيادة اللوا ... ابنك وحش صحيح اخبار العائله ايه سامر : كويسين الحمد لله عمك سيف كلمني قبل م انت توصل يطمن وصلت ولا لسه يحيي: طب ايه رايك يا ابو السمامير نجمع الكل بكره ع الغدا ونعمل كده حفله باربكيو سامر : بعد ابو السمامير دي انا لا ابوك ولا اعرفك يحيي بضحك: يابابا بهزر معاك الله .. ها قولت ايه !!!! سامر : الموضوع ده بقي تقول لامك فيه .. هي اللي هتكون مسؤوله يحيي : اوباااااا هي الموازين اتقلبت ولا ايه يابووس سامر : بس يابن الكلب ... ابوك اسد يحيي بغرور : اومااال هذا الشبل من ذاك الاسد سامر: طب يلا ياشبل طرقنا خد مراتك فوق شويه يحيي : ليه م هي بتساعد ماما جوه اهي سامر بحنق : تصدق يلا انك بقيت عباره عن كتلة رخامه يحيي متصنع عدم الفهم: ايوه يعني عاوز ايه يابابا مش فاهم لينظر له سامر بحده وهو يضغط علي شفته السفلي بغيظ ويمرر انامله علي ذقنه التي يتخللها بعض الشعيرات البيضاء دلاله علي كبر سنه فيحاول يحيي كتم ضحكاته لينهض ويقول بصوت عالي : مش تقول يا باشا انك عاوز تستفرد بالمزه ليمسك سامر المزهريه من جواره ليركض يحيي مسرعا كي يتفادي الض*به فتصطدم المزهريه بالحائط وت**ر الي اشلاء لتخرج عشق وشهد من المطبخ علي صوت ال**ر فزعين ليجذب يحيي الذي لم يتوقف عن الضحك شهد من يدها ويصعدو راكضين الدرج لغرفتهم تحت انظار عشق المتعجبه عشق: في ايه ياسامر ... ايه اللي **رها كده سامر بغيظ : ابنك عشق : ابني ايه ياسامر هو ابني عيل عشان ي**ر فازه سامر : بقلك ايه ... ابنك ع اللي جابوه تعالي عاوز اقلك حاجه عشق : حاجه ايه! سامر : تعالي بس متقوحيش ياشوشو عشق بزهول : شوشوووو!! ليجذبها سامر لغرفتهم تحت زهولها وضحكها علي تصرفاته المراهقه * * * رأيكووووو؟!!!!

Free reading for new users

Scan code to download app

App Store Google Play

Facebookexpand_more