“Di ko akalaing pikon ka pala, pero cute ka pa rin.”
Napalingon ako kay Andrew, may bahid ng pang-aasar ang mga mata. Kung may Olympic event lang sa pang-aasar, sigurado akong gold medalist siya. At kung may category sa pagpipigil ng inis, baka disqualified na ako.
“Excuse me?” taas-kilay kong tanong. “Cute? ‘Yan na naman tayo sa mga salitang hindi mo dapat ginagamit sa’kin.”
“Bakit?” ngisi niya. “Natamaan ba ang pride mo?”
“Hindi,” mabilis kong sagot. “Natamaan ang common sense ko.”
Tumawa siya nang mahina, iyong tipong nakakainis dahil parang alam niyang unti-unti akong natitinag. “Relax, Daisy. Ang cute mo lang talagang magalit.”
“Ang yabang mo,” bulong ko.
“At ikaw,” sagot niya, sabay lapit ng isang hakbang, “masyadong seryoso para sa isang babaeng dapat marunong ding maglaro.”
