Nagmamadali na akong lumabas ng silid matapos na mailagay ang mga gamit sa bag. Kailangan kong tanungin si Ravin ng tungkol kay MD, kung naiwan siya doon mag-isa ay sigurado akong ngayon ay pinapatay niya na ako sa isipan niya. Tulog pa naman siya ng magpaalam akong saglit na magbabanyo tapos hindi na ako bumalik. Epal kasi itong si Ravin, bigla na lang sumulpot sa harapan ko.
“Oh nakabihis ka na agad? Ang bilis mo naman. Bakit hindi ka naligo?”
Hindi ko pinansin ang tanong niya. Ginugulo ang isipan ko ni MD. Nag-aalala na ako na baka napahamak na siya. At isipin pa lang kung ano na ang nangyari sa kanya ay nagkakaroon na ako ng anxiety. Sa mga oras na ito ay gising na iyon at kung sakali na nasa club siya, paniguradong sinusumpa niya na ako. Ilang minutong paninitig ang ginawa ko kay Ra
