"Sana ay malaman na kung sino ang pumatay kay Louisa, ano?"
"Oo nga po, Kuya Berto. Sana ay matapos na ang lahat ng ito." Sinamahan siya nito papuntang Orchidia. Gusto nilang tumulong na masagot ang mga katanungan. Ayaw na nilang magmukmok sa sulok at maghintay ng walang ginagawa.
Nang makarating sa harap ng gate ay nalungkot siya. Maraming nakaraan ang lugar na ito ngunit mas marami nga lang ang kalungkutan kumpara sa kasiyahan.
"Doon ako sa likod, Elena. Mag-iingat ka sa mga pako at matutulis na bagay." Tumango siya at nagsimulang maglakad papunta sa tatlong baitang na hagdan. Si Berto naman ay nagtungo na sa likod. Tahimik ang Orchidia noon ngunit mas naging tahimik pa ito ngayon.
Habang nakatayo sa mismong entrada ng Orchidia ay naalala niya ang isang pangyayari. Doon niya nabuks
