Twisted I (DORMITORYO) - Complete

Ending

Mahaba ang naging byahe niya papuntang Baguio City. Ilang araw na niyang inayos ang kanyang kagamitan at sabik na siyang bumalik ng Baguio upang mag-aral.

Marami ang pinabaon ang kanyang ama na siyang nagpabigat sa kanyang dala. Hindi siya nagrereklamo dahil alam niyang ginagawa lamang ito ng kanyang mga magulang upang hindi siya magutom.

Ang Saint Claire of Baguio City ang pangarap niyang unibersidad. Panganay sa limang magkakapatid kaya plano niyang maghanap ng trabaho roon habang nag-aaral upang may maitulong siya sa mga kapatid.

Natawa siya nang maalala ang madramang eksena nang pasakay na siya ng bus. Maraming paalala ang kaniyang ina. Maging ang kanyang tiyahin na si Maricel ay naiyak din sa kanyang pag-alis.

Nang marating ang unibersidad ay muli siyang namangha. Hindi niya na