"Ano na naman ba ang kailangan niyo sa akin at bakit kasama niyo pa ang asawa ko?"
"Pwede bang pagsalitain po muna niyo ako?" Napataas ang kilay ng dalaga sa narinig. Si Paul, marunong ng gumalang? Sa isip niya. Hindi ito gumagamit ng 'po' at 'opo' lalo na kapag inis ito.
"Sige. Magsalita ka at bilisan mo." Tingin ni Elena ay sasabog na ang binata sa ugaling ipinapakita ng matanda ngunit nagtaka siya dahil huminga lang ito ng malalim.
"May gusto lang sana akong tanungin." Panimula nito.
"Itanong mo na!"
Alam niyang galit ang matanda dahil hindi tumupad si Paul sa naging usapan ng mga ito. Naghintay ito sa paglaya ngunit nabigo lamang. Sa gilid nito ay ang asawa na tahimik lang na nakikinig sa dalawa.
Inilapit ni Paul ang folder na kulay itim sa matanda. Tumaas naman ang kilay nit
