Ilang beses pang muntik na madapa si Simon habang papunta kami sa office ni Roderick.
"Miss Castro, nakita mo ba 'yon? Parang galit yata si Engineer Ocampo sa akin." Kung kanina ay namumutla s'ya, ngayon ay parang wala nang kulay ang kanyang mukha.
Hinila ko s'ya sa braso dahil nakatigil na lang s'ya sa gitna ng hallway.
"Huwag mo nang pansinin 'yon. Muntik ka na kasing madapa. Concern lang sa 'yo 'yon," sabi ko na lang.
Kung hindi lang malamig ang pakikitungo ni Ric sa akin, iisipin ko na talagang nagseselos s'ya. Hindi ko nga lang s'ya kinakitaan ng ganoon kaya mukhang hindi naman.
"Miss Castro, nasa loob po si Mr. Zaragosa," kaagad sa sumalubong sa amin ang secretary ni Road at iginiya pa kami sa opisina ng kanyang amo.
"Thank you." Pinasalamatan ko s'ya bago pumasok ng silid at
