Hindi lang ako ang nag-panic. Nataranta na si Ate Myrna at kung hindi ko pa s'ya inalalayan ay baka hindi na s'ya nakarating sa kinalalagyan ng telepono.
"Ate... titingnan ko muna si Conrad." Hinagod ko ang braso n'ya nang manginig ang kamay n'ya. "Sisilip lang ako."
Hindi pa s'ya nakaka-oo ay mabilis na akong tumalikod at kaagad na nilampasan ang sala. Bago pa nga lang ako makalabas ay mabilis nang pumasok si Conrad.
"Where are you going?" pagalit na tanong n'ya. Nasa tainga na n'ya ang kanyang cellphone. Kaagad n'yang ini-lock ang pinto.
"What happened, Con?"
Sinubukan kong sumilip sa may labas pero mabilis n'ya akong nahila at dinala sa dining room.
Lumapit na rin sa amin si Ate Myra. Bumalik s'ya sa upuan at uminom ng tubig.
"Papunta na rito ang security," aniya.
Tumango s
