Sabi nga nila, kasunod lagi ng tag-init ang tag-ulan. Na pagkatapos ng maliwanag na kalangitan, kaagad ang pagdilim niyon. At sa pagdilim, may kasama pang pagkulog at pagkidlat. Sa oras na matapos ang magandang panahon, mas mahaba ang kasunod nitong masamang panahon.
Minsan, kung susuwertehin, manaka-nakang pag-ulan lang. Minsan ay napadaan lang at malakas na hangin lang ang kasama. Madalas naman ay bagyo, super typhoon pa ang category. Kasama roon ang pagbaha, pagguho ng lupa at minsan… buhay pa ang kinukuha.
Kaya mahirap maging masaya, dahil hindi mawawala iyong masakit na maaaring kasunod niyon. Mas masakit ang kapalit niyon, doble ang kukunin sa ‘yo. Laging may kapalit ang tag-init. At madami ang hindi nakakabawi sa pagdating ng tag-ulan.
Pagkatapos niyon, suwerte na lang ang mak
