Parang nag locked ang lahat sa utak ni Mardy ng mga oras na iyon. Walang ibang pumapasok kundi ang mga labi ni Gunter na dahan-dahang dumadampi sa labi niya. Tila nakalutang siya habang hinahayaan itong gawin ang isang bagay na sa panaginip niya lang nakikita. Parang deja vú. Parang naramdaman na niya dati na hindi niya malaman kung saan at kailan.
Kusang mas ibinuka pa niya ang nakaawang nang labi at mas binibigyan si Gunter ng kalayaan na palalimin pa ang halik. Handa na siyang tanggapin ng buo ang labi nito hindi lang dahil gusto niya kundi dahil na din sa may gusto siyang patunayan. Nakakatawang ngayon lang siya nahalikan ngunit alam niya na agad ang tamang ritmo! Napaungol si Mardy nang gumapang ang mainit na palad ng lalaki patungo sa kanyang bewang. Kinikiliti nito ng bahagya ang
