Vincent Thor Vanderbilt (Victor)
Hindi ako gumagalaw.
Hindi dahil hindi ko kaya—kundi dahil kapag gumalaw ako ngayon, baka may mabasag.
Nasa dulo kami ng path. Nasa harap ko si Ysabelle, nakatingin sa’kin na parang may hinihintay na sagot na hindi niya alam kung gusto ba niyang marinig. Sa tabi niya si Gavin—naka-alerto, halatang handang sumalo ng kahit anong awkward na sasabog. At sa hangin… nandun pa rin yung pangalang binitawan ni Kiefer na parang kutsilyong nakalubog sa usapan.
Vivian.
May notification sa phone ko, nasa bulsa ko. Alam ko ang laman. Nararamdaman ko pa rin yung biglang paninikip ng dibdib ko kanina.
Pero hindi puwedeng dito.
Hindi sa mismong sandaling ito.
Hindi habang ang mata ni Ysa ay nanginginig dahil sa pagod, dahil sa sugat, dahil sa isang lalaking iniwan s
