Vincent Thor Vanderbilt (Victor)
Hindi ako nakatulog nang maayos.
Hindi dahil sa trabaho.
Hindi dahil sa Mia.
Kundi dahil sa folder na nasa mesa ko, nakasarado, pero parang sumisigaw sa utak ko sa bawat minuto ng katahimikan.
Vivian.
Paulit-ulit na bumabalik sa alaala ko yung pangalan, parang multo na hindi na galit—kundi pagod.
Gabi pa lang, gusto ko nang buksan ulit yung results. Gusto ko nang i-check kung mali lang ba ako, kung nag-o-overthink lang ba ako, kung coincidence lang ba yung pattern.
Pero hindi ko ginawa.
Kasi alam ko kapag binuksan ko ulit at lalo lang tumama… hindi na ako makakahinga.
Kaya bago pa magliwanag ang buong Floresta, bumangon na ako.
Tahimik ang corridor ng villa ko. Kahit ang mga ilaw, parang mahina lang. Parang alam ng lugar na may mga bagay na hindi
