Marahan kong binuksan ang luma naming gate. Isang pamilyar na pakiramdam ang bumalot sa buo kong katawan.
Hindi ko maintindihan kung ano ang nararamdaman ko ngayon. Halo halong kaba, pananabik, kasiyahan at paminsan minsan ay lungkot ang naririto sa aking puso.
Pinagmamasdan ko ang aming bahay. Kung titignan sa labas ay wala pa rin itong pinagbago. Ganun pa rin ang aming bahay. Luma na ito, hindi ganun kaganda at sobrang simple lang.
Pero alam kong marami nang nabago sa loob nito. Alam kong wala na ang masasayang tawanan at harutan na maririnig sa loob ng bahay namin.
Nabalot na rin ng lungkot at poot ang dati naming bahay na puno ng saya at kaligahayahan.
Tanging ang sling bag lang na may lamang importanteng mga dokumento ang bitbit ko.
Habang papasok ako sa aming bahay ay pan
