“Sa tingin ko po, Mr. Altieri, mahihirapan ka po talagang hanapin siya. She doesn’t want to be found,” anang lider ng PI team. “Maniwala po kayo, ginawa po talaga namin ang lahat. Hindi po kami nagpabaya, pero wala pa rin hong maayos na pinatunguhan ang imbestigasyon. We even think the subject knows she’s being tracked down and knows how to stay one step ahead of us. Parang nilaro pa nga ang team ko, Mr. Altieri,” seryoso nitong wika. “Sigurado ka po bang simpleng tao lang si Ms. Trinidad Aloncia?”
Namula ang buong mukha ni Ares Altieri. Pulang-pula hindi lang ang mukha niya, kundi maging ang magkabila niyang tainga. Umiigting din ang mga ugat niya sa leeg, na tila ba pumupulso nang malakas ang mga iyon, at humahalo ang nag-aapoy na emosyon sa pagragasa ng dugo niya.
Ilang beses nang nab
