Nasa kahabaan na sila ng byahe ng kinulbit siya ni Jacob. Tahimik pa rin ang dalawa nina Alejandro at Enrico sa loob ng kotse, gaya kahapon. Tanging si Jacob lang ang naiba. Hindi nito hawak ang ipad nito.
“Yaya,” mahinang tawag ni Jacob sa kanya.
“O?” bulong niya rito. Pareho nilang aayaw makalikha ng ingay para hindi maabala ang dalawa nitong kapatid.
“Thank you,” maikli pero ramdam niyang sincere ito ng sabihin iyon.
Hindi niya napigilan ang sariling pisilin ang pisngi nito. Ang cute-cute kasi nito kapag hindi kalokohan ang nasa isip.
“Aw!” ang malakas na reklamo nito. Sabay pang napatingin sa kanila ang dalawa nina Enrico at Alejandro.
Pareho silang natahimik. Hindi pa niya gamay ang pag-uugali ng dalawa, pero alam niyang alam na iyon ni Jacob. Pasasaan ba’t malalaman niya rin
