"Ah, oo nga. Kaya pala umalis siya patungong States kasama ang nobyo niya," pahayag ko saka pa pagak na natawa.
Bakit kaya sa States sila magpapakasal? May balak din ba silang mag-divorce? Hindi naman nakapagtataka kung napilitan man si Topher dahil kailangan niyang akuhin ang responsibilidad bilang ama.
"Alam mo na pala." Tumango-tango si Ate Venus bago muling nagsalita, "O siya at mauuna na ako, ah? Nice meeting you again, Karla. And by the way, congrats at ikakasal ka na."
Pagkakataon ko naman iyon para bumagsak ang panga sa narinig. Hindi na rin ako hinayaang magsalita ni Ate Venus nang magpaalam siya at dali-daling nilisan ang pwesto ko.
Siya namang lapit ni Lenard sa gilid ko at maang na tiningnan ang kabuuan ko na para bang nakakita lang siya ng nakakadiri. Inilapat nito ang mab
