"Karla!" pagtawag sa akin ng boses babae.
Sabay kaming napalingon ni Topher kay Ina na siyang kararating lang. Kasunod niya si Kuya Thomas at napahinto lang nang nasa tapat na namin ito.
"Bakit mo iniwanan sina Marites doon? Wala ka man lang daw paalam na aalis ka," pahayag niya na mataman akong tinitingnan. "Nakakahiya naman sa kanilang mga bisita mo."
"A—ano?" bulalas ko.
Talaga palang sinungaling ang mga iyon! Mga manloloko at plastikada! Grr. Napahinga ako nang malalim upang pakalmahin ang sarili.
Mayamaya pa nang tumikhim si Topher. Kaagad na nangunot ang noo ni Ina nang masipat niya ng atensyon si Topher na ngayon ay alam kong kinakabahan. Ilang sandali pa nang ngumiti si Ina.
"Oh, Kristopher, anong ginagawa mo rito? May lakad ka ba?" anang Ina na pinapasadahan ng tingin ang ka
