"Anong ibig mong sabihin, Felix?"
Tumayo ito sa pagkakaupo niya at bahagyang nag-inat ng mga kamay, tantya ko rin ay tuyo na ang kaniyang damit na siyang inilatag nito kanina sa malaking bato.
Matapos niyang isuot iyon ay sandali nitong pinagpagan ang suot na pantalon. Kapagkuwan ay dinungaw niya ako na nananatiling nakaupo, matiyaga pa ring naghihintay ng isasagot nito.
"Dalawa ang puso?" muling sambit ko, hindi makuha kung ano ang ibig niyang sabihin doon.
"Kung magtatagal ka siguro rito sa labas ay baka malaman mo, pero huwag na lang muna. Hindi ba dapat ay magsasaya ka ngayon kasi ito ang regalo ng ama mo?" tanong nito bago itinaas ang isang kilay sa ere.
Hindi ako nakapagsalita dahil nilukob ng pagkamangha ang kabuuan ko. Kahit ano palang gawin nitong si Felix ay hindi pangit tin
