Tinotoo nga nila ang planong panonood ng movie, hindi ko na rin halos mabilang kung nakailang series na sila sa pinapanood dahil nakatulala lang ako sa kawalan.
Hindi ko naman magawang makatulog, maingay na ang telebisyon, ganoon din ang mga bunganga nilang ayaw paawat sa kasasalita. Kulang na lang ay takpan ko ang magkabilaang tainga.
Madalas pa ay panay ang sigawan nila kaya sobrang rinding-rindi na ang tainga ko, kulang na lang ay mabasag ang eardrums ko. Ang sarap lang pagsisipain palabas ng kwarto.
Nasa dulo ako ng kama habang magkakatabi silang tatlo, may espasyo pa sa pagitan namin ni Teresita na siyang katabi ko ngayon, tila ba nandidiri na madikit sa akin.
Nilagyan niya pa iyon ng dalawang unan para talagang hindi magdikit ang balat namin. Diyos ko, hiyang-hiya naman ako. Wala
