Hindi ko na nagawang makapagpaalam kay Felix nang palibutan ako ng tatlong bantay, huling sulyap ang ibinigay ko rito na naroon pa rin sa isang tabi bago tuluyang pumasok sa sasakyan.
Pasalampak akong napaupo sa dulong upuan, kasunod ko si Kuya Thomas na siyang maagap na sinarado ang pinto ng kotse. Samantalang ang dalawa ay nasa driver's seat at passenger's seat.
Isang lingon ang iginawad ko kina Topher at Carmen na nananatiling nakatayo, nakatanaw ang mga ito sa loob ng sasakyan kahit pa alam kong hindi naman nila ako nakikita dahil masyadong madilim ang bintana nito.
Mapait akong napangiti, samu't-sari ang nararamdaman ko ngayon. Dismayado, pagkalungkot at galit sa puso. Hindi hamak na mas gusto ngang makasama ni Topher si Carmen kaysa sa akin na nobya niya.
Akalain mo nga't inabot
