NAGULAT si Lucas sa inasta ng asawa niya, kanina lang malambing pa si Herrah sa kanya at masaya pa silang nag-uusap. Akala niya ayos na rito ang lahat pero bigla na lang siya nitong binato ng kung ano at pinapalayas pa siya. Ano bang ginawa niya bakit ito nagkaganoon?
"Huwag kang mag-alala kakausapin ko si Rang, mamaya," narinig niyang sabi ni Henry sa kanya. Nilingon niya ito at pilit na nginitian.
Nakita niya ang bagay na ibinato sa kanya ni Herrah. "Ano ito?"
Lumapit si Henry sa kanya. "Pregnancy test iyan, ah." Napatingin siya kay Henry na nagtataka. "Iyan ang ginagamit ng mga babae para malaman nila kung buntis sila. Meron iyan sa parmasya na pinagtatrabahuan ko," tugon ni Henry sa pagtataka niya.
"Ibig sabihin ginamit ito ni Herrah?" tanong na niya sa sarili at biglang kumabog na
