عشق الفارس

البارت الخامس

فارس بابتسامه ماما بابا عايش

انتصار بصت لخالد وبتوتر از ازاي

خالد نا هحكيلكو علي كل حاجه:زمان كنا نا وناصر الدسوقي من اكفأ الظباط ف القبض علي المافيا وكنا اكتر من مقربين وطبعا كنا مشهورين جدا ف مصر بسبب كفائتنا وكنا بنتكرم علطول علي مستوي الجمهورية حاولنا نقبض علي رجال المافيا كتير بس كل مره يطلعو منها لا كان فيه بنا جواسيس فقررنا نا وناصر اننا ندخل بنهم وناصر ساعتها قال انو هنعمل اكننا اتخانقنا وكرهنا بعض وطبعا طلعنا خبر ف مصر انو ناصر الدسوقي خاين لبلده وكنا مستنين أن المافيا تتصل بيه بعدها لكن متصلتش فضلت اسبوع واتنين وتلاته علي ما بعتو له انو يشتغل معاهم ويروح يتفق مع المافيا علي انو يكون منهم بسبب ذكاؤه ده غير معلوماته عن الجيش بس بشرط لازم يثقو فيه عن طريق قتل صاحب عمرو اللي هو نا ..المهم ناصر رفض ف الاول بس نا أقنعته وجه اليوم اللي ناصر هيقتلني فيه طبعا كان معاه راجل من المافيا ولازم فعلا اني اموت قدامهم قام ناصر كلم دكتور صاحبه يجيب له حقنه توقف القلب لدقائق او بالاصح تخلي النبض ضعيف جدا وميتحسش بس وجه اليوم اللي هتقتل فيه قام ناصر جه قدامي وكانت الدموع في عنيه وقالي انا اسف مش هقدر ساعتها نا قولتله متخافش هعيش وبعدين لو مت مصر اهم مني ثق فيا ..راح ناصر غز الحقنه فيا وفعلا أغمي عليا وطلع ناصر المسدس ووجه ف بطني بس ف مكان احنا متدربين انو طبعا ميموتش وراح ضغط ع زناد المسدس ووقع خالد علي الأرض ..شاور ناصر لأحد رجال المافيا انو يبجي يشوفه مات ولا لا وطبعا لما رجل المافيا جه عشان يشوف النبض ف رقبتي ملقاش نبض ورن علي زعيم المافيا عرفه وطبعا كان وضعي صعب جدا بس عديت المهم ناصر ورجاله المافيا مشيو وكان فيه رجاله تبع الشرطه ومعاهم عربيه اسعاف جهم وعملو الازم وجابو جثه من المشرحه ودفنوها علي أساس انها انا عشان اهل البلد وتم دفني وجنازه عسكريه وتكريم عشان الموضوع يبقي بجد بس طبعا نا كنت ف الوقت ده بصارع الموت ..المهم رجاله المافيا مكتفوش بكده لا دول نزلو علي التلفزيون صورتي وصوره ناصر وكتبو انو ناصر السبب ف قتلي وقرر ناصر انو يختفي ويروح للمكان اللي هو اساس المافيا وهو روسيا وكان بيشتغل معاهم ووثقو فيه جدا بعد ما اشترك ف اكبر العمليات بتاعتهم وبقي ناصر ضمن أكبر رجال المافيا وعرف كل المعلومات عنهم علي مدار السنين دي كلها وبقي يعرفنا كل المعلومات عنهم وتم القبض علي جميع المافيا اللي في البلاد العربيه وكمان الروسيه وفضلنا كل السنين دي مستخبيين عشان نخلص مصر والبلاد العربية منهم والحمد لله خلصنا شغلنا ورجعنا مصر ..

انتصار قامت راحت ناحية خالد وحضنته جامد اوي وفضلت تعيط..حرام عليك تعيشني في كل العذاب ده..حرام عليك طب طب كنت تقولي تريح قلبي طيب ..عشت طول عمري ف عذاب..طب مخفتش علي ابنك وانو اتيتم وهو صغير لييه وفضلت تعيط

خالد:شششششش نا اسف بس كنت مجبور علي جدا

وفضلت يتكلمو شويه غير منتبهين لتلك الوافقه والدموع تنهمر منها بغزاره وانتبهو لها عندما قالت بصوت ضعيف مختلط بالدموع وصوت مختنق:حرررام حرررام عليكو ..

وانتبهو لها عندما قالت بصوت عليا مختلط بالدموع وصوت مختنق:طب وبابا بابا فين

انتبهوا الي ريماس ثم قال خالد مين دي ي فارس..مراتك؟

فارس افتكر ريماس واتوتر جدا اول أما شافها:اه بابا دي ريماس مراتي وبنت ..بنت عمي ناصر الدسوقي

فرح خالد جدا اول ما عرف انها بنت ناصر وقال: تعرف اني انا وناصر كنا متفقين اننا نجوزكو بعض من قبل ما تتولدو حتي.. عالعموم يبنتي ابوكي كويس جدا وزمانه في بيتكو

ريماس بصت لانتصار وفارس بدموع وقالت بصوت مختنق:عمري ما هسامحكو..حسبي الله

فارس: ريماس اهدي بس عشان خاطري

ريماس بصريخ:مش هاهدي ومتقوليش اهدي انا بكرهكو بكرهكو كلكو وخرجت تجري برا الفيلا وهيه بتبكي .

الكاتبة احلام تامر

فارس جه يجري وراها بس وقفه أبوه وهو بيقولو:اي ده ي فارس اي اللي بيحصل ده

فارس بص لأمه بحزن وقال لابوه:اسال ماما..نا لازم الحق ريماس وجري علي بره ولكن لا أثر لها

*****★****★****★******★****

أما عند ناصر اول أما خبط علي باب الشقه بتاعته فتحت فوزيه. فوزيه اول أما شافت ناصر لسه هتصوت بس ناصر سبقها وحط ايدو كتم فمها اهدي اهدي الله يخربيتك هتفضحينا ..بصي هشيل ايدي واوعي تطلعي صوت وانا هحكليك علي كل حاجه

اومأت فوزيه بنعم وهي في قمه خوفها...واول ما ناصر شال ايدو..فوزيه بصريخ:انت عايش ازااي

ناصر كتم فمها تاني:منك لله هتلمي الناس وخلاص وقام دخلها جوه ودخل وقفل باب الشقه وفضل حاطط ايدو وحكي لها ملخص الكلام لحد اما حس بهدؤها ثم شال ايدو وقال:امال فين بنتي زمانها كبرت وبقت عروسه قد الدنيا

فوزيه بتوتر:اآآ مهو. آآ

ناصر:في اي بنتي فين

فوزيه بتوتر:اصل ه هيه ا ات اتجوززت.

ناصر انصدم ف الاول بس رجع قال بفرحه:بجد طب هيه فين واتجوزت مين

فوزيه:ف فارس

ناصر :متخلصي هو نا هطلع منك الكلام بالعافيه.

فوزيه لسه هتتكلم بس جرس الباب رن

ناصر راح فتح الباب لقي شاب يشبه صديقه خالد كثيرا:اكيد انت فارس ابن ناصر الشرقاوي

فارس:ايوا ي عمي نا انا كنت جاي لحضرتك بس هقول لريماس حاجه ممكن اشوفها.

ناصر بعدم فهم بص لفوزيه اكنو بيسالها في اي ولكن فوزيه كانت هتموت من رده فعله لما يعرف انها جوزت بنته ريماس أو بالأصح باعتها لفارس.

فارس :عمي نا اتجوزت ريماس بس هيه لما بابا جه البيت انصدمت جدا وفضلت تعيط ومشيت برا الفيلا ونا فكرت انها ممكن تكون هنا

ناصر:تقصد اي ..يعني يوم ما ارجع اشوف بنتي الاقيها مش موجوده لا والاحلي من كده محدش عارف هيه فين..ثم سكت قليلا وقال لحظه بس المفروض اني بنتي لما تعرف اني عايش تيجي تشوفني مش تهرب الحكايه دي فيها حاجه ناقصه..احكي اي اللي حصل ومتحاولش انك تكذب انت مش واقف قدام عيل اهبل ..

فارس:عمي ارجوك مش وقته وعد مني لما الاقي ريماس هحكيلك علي كل حاجه بس تلاقيها.

ناصر:ماشي ي فارس هاستني تيجي تحكيلي اللي بيحصل انت وبنتي.

فارس بص لفوزيه بكره:ممكن الحاجه فوزيه تقولك نص الحكايه واللي كانت بتعمله ف ريماس..بعد ازنك وخرج يدور علي ريماس لا يعلم أين يذهب ولكن سوف يبحث في كل الأماكن حتي يجدها ...كان فارس يقود سيارته وفي عينيه الدموع علي بعد معشوقته فقلبه يتقطع من أجلها لا يستطيع البقاء دونها .. يخاف أن تفعل بنفسها شئ يؤذيها وهي غاضبه لا تعي شيء ثم ابعد تلك الأفكار من دماغه :لا لا ريماس اعقل من كده مستحيل تأذي نفسها انا واثق من كده..وفضل يلف بعربيته لكن لا فائدة ?

******★*★******★*******★***

أما عند ريماس اول أما خرجت من الفيلا فضلت تجري وهيه بتعيط وفجأة وقفت قدامها عربيه ونزل منها شخص ثم قال:ريماس!!

ريماس تجاهلته وفضلت تجري جري وراها :اهدي بس والله مش هأذيكي متخافيش

ريماس حست بصدق في كلامه ده غير ان جالها احساس غريب تجاهه بس اتجاهلت الاحساس ده ثم قالت له:ارجوك خدني من هنا

الشخص:تمام تمام بس اهدي كده وبلاش عياط

ريماس سكتت ثم ركبت العربيه وذهبت مع هذا الشخص وصل شقته وبص لريماس:اتفضلي يا ستي ادخلي

ريماس كانت خايفه تدخل الشقه وهيه وهو لوحدهم (والشيطان تالتهم بقي??). ريماس بتوتر:لا انا همشي

-استني بس :مامااا ماما تعالي بسرعه

جاءت سيده في سن الاربعينات يبدو عليها الطيبه والحنيه:اي يا آخره صبري بتصوت كده ليه..

-بصي ي ماما البنت القموره دي هت...قاطعت كلامه امه وهيه بتقول بسم الله ما شاء الله قمر يحبيبي ي زين ما اخترت انا موافقه

-موافقه علي اي ي ماما

الام:مش دي الموزه بتاعتك بص انا استريحت لها مش زي الباقيين اللي كنت بتجيبهم تحسهم كده فرافير ميستحملوش حاجه انما دي نا حبيتها يلا علي خيره الله

الشخص:اي يا ماما ده كلو حيلك حيلك دي متجوزه

الام:نهارك اسود جايبلي واحده متجوزه يبن الكلب حرام عليك انت وهيه الله يكون ف عون جوزها عرفهولي بس وانا اروح اقول له علي مراته اللي سايبها دي

ريماس اتحرجت جدا ولسه هتمشي بس الشخص ده مسكها من ايديها:اصبري بس..ي ماما تعالي بس ندخل جوا ونا هحكيلك علي كل حاجه .

الام:صبرني ي رب خش ي بن بطني خش ودخل الكل..

الشخص اخد امه علي جنب وقال لها امي ارجوكي عايز اتكلم معاها شويه لوحدنا هيه ف وضع صعب ولازم اساعدها.. ارجوكي ونا هفهمك كل حاجه والله بس اصبري

الام :مش همشي من هنا الا ما اعرف كل حاجه

اتن*د الرجل ده بقله حيله وقال لامه :بصي ي امي البنت دي متجوزه وجوزها كل يوم يديها علقه موت وهيه يعيني ملهاش اهل ولا سند ولا حتي بيت تقعد فيه ونا هساعدها عشان تطلق من جوزها ده وتعيش زي الناس

الام بطيبه:يعيني عليكي ي بنتي طب وهتعيش فين البنت دي شكلها غلبانه خالص.

الشخص بخبث عندما ادرك نجاح خطته وانه استطاع الكذب علي امه:مش عارف ي امي

الام :بص هاتها تقعد معايا هنا لحد ما تخلص من جوزها وعايزاك تشوفلها شغلانه تشتغلها خليها تسند نفسها يعين امها..

الشخص:طب اروح اتكلم معاها بقي مينفعش كده اسيبها واقفه كده.. وساب امه ومشي اخد ريماس ف الريسبشن وقعد معاها

احم احم:ممكن تقوليلي مالك وليه كنتي بتجري وتعيطي.

ريماس :نا حاسه اني مش مرحب بيا هنا انا همشي

وقف بسرعه :والله ابدا ما يحصل وبعدين مين قالك ان مش مرحب بيكي بالع** خالص اقعدي بس خلينا نتكلم.. علي فكره نا اعرفك كويس اوي وعارف كل اللي بتمري بيه

ريماس استغربت جدا :تعرفني!! ازاي

الشخص:مش مهم يستي المهم ينفع اكون زي دكتورك النفسي لكام ساعه وتحكيلي اي اللي حصلك

ريماس فعلا كانت عايزه حد تتكلم معاه.. حد تفضل تعيط وهو يهديها.. راحت اومات بنعم وسردت كل ما يحصل لها لهذا الشخص المجهول.

الشخص:طب وانتي ناويه علي اي

ريماس بوجع:اتطلق

انصدم الشخص مما سمع ولكنه قال:بصي اقولك نصيحتي.. جوزك فارس ملوش اي زنب ف كل اللي حصل شكلك بتحبيه وهو كمان بيحبك ونا متأكد من كده فبلاش تعذبي نفسك وتعذبيه.

ريماس:بس نا بتاذي من البيت ده اوي هو اه بحس بالأمان مع فارس لكن بخاف من البيت نفسه

الشخص :طب ناويه علي اي

ريماس بعد تفكير:انا لازم ابعد شويه اهدي فيهم واشوف هعمل اي

الشخص :ليكي مكان تروحيه او كده او هترجعي لابوكي

ريماس :بابا وحشني اوي بس نا زعلانه منو عشان خلاني يتيمه ونا لسه موعتش ع الدنيا وسابني مع مرات اب كرهتني ف الدنيا فمقدرش اروحله ونا زعلانه منو ههدي الاول واروحله..

الشخص :تمام هتقعدي هنا لحد ما تهدي براحتك

ريماس باعتراض:لا طبعا مستحيل اقعد هنا

الشخص :يستي انا همشي من البيت وانتي هتفضلي مع امي وبصراحه والله امي حبتك

ريماس :نا مش عايزه اكون عبأ علي حد

الشخص :ومين قالك انك عبئ عليا وبعدين كلها كام يوم وترجعي لجوزك ساعتها ابقي رديلي جميلي ده

ريماس بضحك :ازاي يعني

الشخص :اعزميني... ايوا والله اصل نا واحد ببطن بمووت ف الاكل فانتي بقي تعزميني علي محشي من جميع الانواع وبط ود*ك رومي ومكرونة بشاميل وبس كده

ريماس يضحك:وانت هتاكل ده كلو ده انت مش باين عليك الاكل

الشخص ضحك:لا ميغركيش اني مش طخين اصلي بروح الجيم بقي وكده

دخلت الام وبصت لريماس بحنيه تعالي يبنتي جهزت لكي الاوضه اللي هتقعدي فيها

ريماس باحراج :مش عارفه اشكر حضرتك ازاي

الام:ولا يهمك ي حبيبتي ♥️

تعالي شوفي الاوضه علي ما احط الغدا وتركتهم وخرجت

ريماس بصت للشخص ده وقالته:صحيح هو انت اسمك ايه

بصلها بتفكير شويه ثم قال نا اااا

********

الكاتبه احلام تامر