We will all realized that the world does not just offer a happy life to anyone.

Mapapatawad mopa kaya ang mga taong sumira at lumapastangan sa buong pagkatao mo? We will all realized that the world does not just offer a happy life to anyone. “Kinakabahan ako,” pabulong na sabi ni Rebecca Magdaso, habang magkalakip ang palad na pinagpapawisan na sa sobrang kaba. Ramdam ang lamig sa buong hallway ng office ni Mr. Jomar Estillan ang kanilang guro sa Calculus, nagtapos ito ng kursong Engineering at kasalukuyang nagtuturo ng science and math related subjects sa isang pampublikong High School, kilala ito bilang isang matinik at magaling na guro, he can give as lowest as 65 na grade sa kanyang mga estudyante at maging sila Rebecca at ang kanyang mga kaibigan ay mapapatunayan iyon dahil noong last semester ay pare-pareho silang magkakaibigan na nagkaroon ng line of 7 na grado sa kanilang guro at hindi nga nila maiwasang maiyak. Lalo na si Rebecca na isang iskolar sa kanilang bayan, lubos syang nalungkot nang makita ng kanyang ina ang kanyang grado. “Relax ka lang dyan Becca,” ani Sean na nobyo nito. Hinawakan ang kamay ni Rebecca na nagpagaan sa kanyang nararamdaman. “Sana lang maging maayos ang kalabasan nito, guys” pahayag ni Adah, ang kaibigan ni Rebecca simula elementarya. At napatingin na lang kay Becca, na parang naluluha na. “Ayusin mo naman ang ilaw George, hindi ko makita ng maayos” ani Nazz na kaibigan din nila. Kasalukuyan nilang binubuksan ang pinto ng opisina ng may marinig silang pamilyar na tinig sa kanilang likuran. Pasado alas otso na ng gabi at sila na lamang ang mga natititrang estudyante sa St. Gabriel’s Academy. Alam nilang mali ang kanilang ginagawa, ang kanilang planong pagkuha sa answer key sa kanilang last quarter final exam sa physics dahil alam nilang pare-parehong nanganganib ang kani-kanilang grado sa naturang subject. Ngunit, hindi katulad ng mga kaibigan ni Rebecca na may mga pera, sya ay swertehan lang na nakapasok sa paaralan dahil sa Scholarship na ibinigay sa kanyang ina dahil naawa rito. Ang kanyang ina ay isang janitress sa munisipyo at kung minsan ay tumatanggap ng labahan, upang pangdagdag sa pang araw-araw na gastusin nilang mag ina. Sa labing pitong taon na nasaksihan ni Rebecca ang paghihirap na nararanasan ng kanyang ina upang mapag aral lamang sya. Kung kaya hindi nya kayang makita na malungkot na nanaman ito sa kanyang grado at maari pang mawala sa kanya ang scholarship nya. Lahat ay sumang-ayon sa plano at sabay-sabay silang pumunta sa paaralan. Alam nilang walang gwardiya ngayon dahil ito ay kasalukuyang nagpapahinga. Hindi pa man sila nagtatagumpay na mabuksan ang pintuan ay sa hindi kalayuan ay may narinig silang mabibigat na yapak na nagmumula sa likod at nakarinig ng pamilyar na tinig. "Oh look what we have here, ang patapon kong mga estudyante sa section F” Nanigas ang katawan ni Rebecca nang marinig ang boses sa likod nya. Walang makapagsalita at halos mapipi ang lahat nang maiangat ni George ang ilaw, napasinghap ng malakas ang magkakaibigan at parang anumaang oras ay matutumba sa kinatatayuan si Melissa. Sa mga oras na iyon mismo ay alam na nila na katapusan na nila, lalo na si Rebecca. Dahil ang tinig ay nagmumula sa kanilang guro na si Mr. Estillan. Isang malaking iskandalo ang mangyayari at napakalaking kahihiyan ang maidudulot nito sa kanyang ina.