حب الماس( أحبك يا اغلي من الالماس 2)

تجلس امام صورة والديها تنظر لهم بعينيها التي تشبه الالماس وتبتسم لهم ممسكه بخصله من شعرها الأ**د الذي ورثه عن والدتها.. شعرت بأحدا يقترب منها بهدوء ولاكن لم تعطيه اهتام لانها تعلم من... لم تذهب دقيقه شعرت بمن يحملها عن الارض للأعلي... أطلقت ضحكتها التي من يسمعها كأنه يسمع موسيقي عازبه.. الماس بضحكه: ههههه نزلني نزلني يا عمو نزلني... سيف: عرفتي ازاي انوا انا يا لئيمه... الماس: ومين يعني مش هيعرفك بكرشك دا.. سيف: ينهارابيض انتي بتقولي ايه كرشك دا لسانك طول يا بت انتي... الماس: لساني طول بسبب عدم تربيتي فيك انتا والي اسمه يسرى... سيف: لا لا لا انتي متربتيش ثانيه... الماس: علي اساس انكوا فاضين كل واحد فيكوا بيرجع لمراتوا واااه صح في طلب صغير.. سيف بصدمه: قولي.... الماس: ياريت تقفل الباب عليك انت والمدام رودينا كويس... سيف بصدمه: انتي عندك كام سنه... الماس: وكمان مش عارف كام سنه عندي سبع سنين يا عنيا روح ذاكر تاني... كان ينظر لها بصدمه انزلها للأرض وتركها وخرج وهو في حاله صدمه من ابنته اخيه... اقتربت من الصورة طبعت قبله علي والدها وقبله علي والدتها... خرجت من غرفتها ونزلت للاسفل... الماس: تيته بثينه... تقدمت بسرعه الي جدتها وطبعت قبله علي خدها بثينه: صباح الخير علي اجمل الماسه في الدنيا... الماس: تيته بثينه فين تيته ملك صحيت من النوم ملقتهاش جنبي... بثينه: تيته ملك راحت مشوار وجايه... الماس: انا مخصماها... بثينه: ليه دي تيته حبيبتك... الماس: لا كانت صحتني وقالتلي واديتني بوسه علي خدي... بثينه: هي اديتك البوسه فعلا بس قالتلي لازم اخليكي نايمه النهارده لانه يوم مميز.... الماس: بردو زعلانه منها دا مش مبرر... بثينه بنفاذ صبر: طب خلاص هي تيجي تصالحك روحي يلا كلي مع مالك... الماس: مالك هو فين صح... بثينه: في اوضه المعيشه بياكل روحي عنده هخلي صباح تجبلك الاكل ليكي.. الماس: حاضر... ذهبت الماس لغرفه المعيشه رأت من يأكل بسرحان قررت انها سوف تخيفه... اقتربت منه علي اطراف قدميها وجائت من خلفه... الماس بصراخ: عوووووووووووو... مالك بخوف: اااااااااااه.... وضع يده علي قلبه ونظر لها وهو علي مشارف البكاء... الماس: هتعيط ليه هو في راجل بيعيط... مالك: هو في بنت في الدنيا كلها تعمل كده... الماس: اعملك ايه انت بتخاف حد قالك اتف*ج علي افلام رعب بليل... مالك: متاكده انك بنت مش ولد.. الماس بغضب: قصدك ايه... مالك: قصدى ان مفيش بنات تتف*ج علي افلام رعب.. الماس بغضب: ومتأكد انك ولد... مالك: ليه... الماس: لان مفيش ولاد بتخاف من الرعب.. اخرجت له لسانها... تقدمت لهم الخادمه ووضعت امام الماس الفطور.. بدأت الماس بتناول الفطور فسمعت صوت جدتها.. ملك: صباح الجمال علي الماستي الجميله.. الماس بغضب: زعلانه منك متكلمنيش.. اقتربت منها جدتها وقبلتها علي رأسها... ملك: متزعليش مني يا حبيبت تيته.. الماس: لا زعلانه منك انك مصحتنيش الصبح ومتدنيش البوسه بتعتي... ملك: طب اعملك ايه عشان تسامحيني... الماس بحزن: نروح نشوف بابا وماما... حل الصمت علي المكان.. ملك بهدوء: بس النهارد... الماس بحزن: النهارده عيد ميلادي السابع شكلكوا نسيتوه وكمان انتي قيلالي كل عيد ميلاد ليكي هتخليني اروح ليهم.. ملك بحزن: عمرى ما انسي انا جيت عشان اخدك ونروح انا وانتي... الماس بفرح: كدا مش زعلانه منك.. أحتضنتها الماس بقوة وقبلتها علي خديها.. ملك: بس بشرط... الماس: ايه هو.. ملك: تخلصي الاكل الي قدامك دا كله.. الماس: موافقه.. تركتها ملك وذهبت لبثينه جلست بجانبها... بثينه: صلحتيها... ملك: اه الحمدلله انتي عرفه زعلها وحش.. بثينه: فعلا وحش يوم الي زعلت مني فضلت مخصماني اسبوع بحاله... ملك: انتي هتقوليلي.. بثينه: وطبعا عشان تصلحيها تخديها عند ليل ومالك.... ملك: اه متنسيش تعملي انتي والبنات تعملوا الي قلتلكوا عليه.. بثينه: مش نسين.. ملك: امال البنات فين.. بثينه: انتي عرفه في اوضهم فوق رودينا تعبانه بسبب الحمل ونور زي العاده سهرت بليل وبتنام بالنهار.. ...: انا صحيت خلاص انام بالنهار ليه... بثينه: صباح الخير بالنعاسه.. نور: هو ذنبي ما اياد مسهرني طول الليل.. بثينه: رحتي لرودينا اطمنتي عليها.. نور: اه بس شكلها هتولد النهارده يا بكرا... بثينه: حمل التوئم دا تعب جدا... ملك: ربنا يقومها بالسلامه.. بثينه /نور: يارب.. صعد رنين جرس الباب.. ذهبت الخادمه لتفتح الباب.. بثينه: مين يا صباح.. ...: دي انا يا ماما بثينه.. بثينه: نيفين تعالي ياحبيبتي.. ذهبت لها نيفين احتضنتها واحتضنت ملك ونور.. نيفين: وحشتوني... نور: هتتهبلي انتي كنتي عندنا البارح.. نيفين: شكل هرمونات الحمل لسه عندك.. نور: شكلها... نيفين: امال فين الماس... ملك: بتاكل جوا.. نيفين: هتروحوا النهارده لليل ومالك.. ملك: اه هنروح انا وهي وبعد كدا هخدها نتمشي شويه وهنرجع.. نيفين: خلاص تمام.. جبتوا الحاجات ولا لسه.. بثينه: جبناها بس خايفين علي رودينا اوي.. نيفين: ليه هي هتولد النهارده.. بثينه: شكلها تعبانه اوى... نيفين: هطلعلها وهكون معاها متقلقوش... خرجت الماس من الغرفه... الماس بفرح: خلصت الاكل كله... نيفين: الماس.. نظرت الماس لنفين وبفرح قفزت عليها... الماس: خالتوا نفين وحشتيني.. نور: هو كله يقول وحشتيني دي كانت عندنا البارح.. نظرت لها نيفين.. نيفين: تبقي روحي للدكتور يكشف عليكي ويشوف هرمونات الحمل دي... ضحكت عليها نور.. نور: انا طالعه لرودينا... الماس: خالتو نيفين هتفضلي هنا ولا هتمشي زي المرة الي فاتت.. نيفين: لا ياحبيبت خالتو هفضل هنا لغايت ما تيجي... الماس: طب الحمد لله.. يلا يا تيته هنتأخر.. ملك: يلا.. امسكتها في يدها وخرجوا من البيت وصعدو للسياره... الماس: تيته.. ملك: نعم يا حبيبتي.. الماس: احكيلي عن ماما وبابا... ملك: كل يوم بحكيلك عنهم.. الماس: مش بزهق لما اسمع عنهم بالذات حبهم لبعض.. ملك: حبهم ظهر من اول نظره من عينهم لبعضهم.. الماس: كملي يا تيته... ملك: وصلنا.. خرجوا من السياره أمسكت ملك يد الماس وذهبت بها لقبر ليل وبجانبها قبر مالك... ملك: وحشتيني يا بنتي شفتي جبتلك مين الماس الجزء الي سبتوه قبل ما تمشوا هسيبها معاكوا شويه هروح اسلم علي عبد الحميدومختار.. تركتها ملك بمفردها وذهبت لقبر عبدالحميد ومختار.. جلست الماس امام قبر والديها ونظرت لهم وابتسمت بحزن.. الماس: ماما انا زعلانه منك مجتليش ليه في الحلم البارح انتي عرفه ان النهارده عيد ميلادي علطول كنتي بتجيلي وتعيدي عليا اشمعنا النهارده بس مش هقدر ازعل منك وحشتني يا بابا اوي.... نفسي لما اكبر اكون زيكوا نفس حبكوا... أغلقت عينيها اللامعه وفرت منها دمعا شعرت بيد دافئه علي وجهها تمسح دموعها... فتحت عينيها ونظرت بجانبها فتي صغير بجانبها ينظر لها بعينيه الخضراء اللامعه يتسم ابتسامه هادئه شعره الاصفر او بمعني بني مصفر يسقط علي عينيه الخضراء يخفيها قليلا.. الفتي: بتعيطي ليه... الماس : انت غريب عني مينفعش اكلمك.. الفتي: انا مش غريب انا اسمي سامر وانتي اسمك ايه.. الماس: اسمي الماس.. سامر: كدا انا عرفتك يبقي مش غراب عن بعض.. نظر لعينيها.. سامر: عينيكي شبه اسمك.. الماس: ازاي.. سامر: لونها لبني في رصاصي الماسي فعلا.. بس بتعيطي ليه.. الماس: لان بابا وماما وحشوني اوي.. سامر: هما فين.. الماس: هنا تحت هنا.. نظر لها بحزن... سامر: في مكان احسن... نظرت لها جدتها رأتها تتكلم مع ولد اقتربت منهم.. ملك: يلا يا الماس عشان منتأخرش.. الماس: حاضر يا تيته.. سامر: هشوفك تاني يا الماس... الماس: مش عرفه... سامر: خدي استني.. نزع من رقبته سلسله بها قلب بداخله قفل وفوقه مفتاح.. اخرج من السلسله المفتاح ووضعه في سلسله اخري وارتداه الماس: ايه دا... سامر: خلي السلسله دي معاكي والبسيها والمفتاح دا معايا اول ما هنتقابل هعرفك بالسلسله... الماس: بس.. سامر: اعتبريها امانه معاكي واحفظيها.. الماس: بس.. سامر: اعتبريها امانه عندك وهخدها منك لو اتقابلنا.. نظرت الماس بعينيها وابتسمت.. الماس: هخدها.. ارتدت السلسله وامسكتها بيدها... ملك: يلا يا الماس هنتأخر علي البيت.. الماس حاضر.. كان ينظر لها وهو يبتسم لها عينيها لم تفارق عينيه.. صعدت مع جدتها السياره.. التفت للخلف لتنظر عبر الزجاج له تراه رافع يديه ويودعها ودعته هي الاخري حتي اختفي عن انظارها.. امسكت القلاده في يدها وادخلها داخل ملابس حتي لا يأخذها احدا منها.. جلست بجانب جدتها وظلت تفكر فيه حتي وصلت للبيت.. تقدموا داخل البيت.. بثينه: اتأخرتوا ليه.. ملك: الطريق زحمه.. بثينه: رودينا تعبانه اوي شكلها هتولد.. ملك: هي فين.. بثينه: في الاوضه فوق معاها نيفين وبتصل بالبيه سيف مش بيرد عليا.. ملك: نور اتصلي علي يسرى وخليه يشوف سيف فين.. نور: قلتله وقالي هيدور عليه.. بثينه: الماس حبيبتي خدي مالك واطلعي عند اياد.. الماس: فرح فين.. نور: مع باباها زمنها جايه.. ...: ماما.. نور: فرح فين باباكي جيتي لوحدك.. فرح: لا يا ماما بابا وصلني ومشي.. نور: طب خدي الماس ومالك واطلعي اقعدي عند اخوكي اياد.. فرح: ليه في حاجه.. نور: لا مفيش يا حبيبتي بس خديهم واطلعي ومتنزليش من عندك وصباح هتلخي بالها منكوا ولو عزتوا حاجه قوليلها بس مفيش خروج من البيت.. فرح بهمس: مش هتعملوا العيد ميلاد لالماس... نور: مش النهارده عشان خالتوا رودينا تعبانه.. فرح: حاضر.. نور: لو اياد عيط خلي صباح تحضر اللبن بتاعه وشربهولوا.. فرح: حاضر يا ماما.. صعدوا الاطفال للأعلي وذهبوا لغرفه اياد وظلوا بها لم يخرجوا منها.. . اخذوا رودينا للمشفي وكان الجميع بجانبها.. ملك: سيف كنت فين.. سيف: بخلص شغل في الشركه.. رودينا بتعب: ماما مش قادره تعبانه اوي حاسه اني هموووووووت.. نور: ياحبيبتي دى مش اول ولاده ليكي... رودينا بتعب: عرفه مش اول ولاده ليا بس توئم حسوا بيا اااااااااااااااه... فتح الباب وتقدم الطبيب منه... الطبيب: الولاده دلوقتي.. سيف: انت الي هتولدها فين دكتوره وفاء.. الطبيب: دكتورة وفاء مش هتيجي عندها حاله وفاه.. سيف: مش هسمح لمراتي تولد علي ايد راجل.. رودينا: مش وقته يا مستفز انت السبب في الي انا فيه خليني اولد دلوقتي بدل ما اولع فيك.. اقتربت منه بثينه وامسكته من اذنه.. سيف بوجع: اااه يا امي ايه في ايه.. بثينه: مراتك هتولد علي ايد الدكتور ولو سمعت كلمه منك هحرمك من انك تشوفها لمده اسبوعين.. سيف: لا لا لا خلاص ولدها انت بس متقربش منها.. الطبيب باستغراب: ازاي مقربش امال اولدها ازاي.. نزعت بثينه الحذاء من قدميها وضربت سيف علي رأسه به... بثينه: مسمعش كلمه منك لغايت ما رودينا تولد اخرس... تقدموا بها لغرفه العمليات... ظلوا في الخارج خائفين عليها انهم توئم.. مرت ساعتين حتي تمت الولاده خرج الطبيب من الغرفه ونظر لهم.. سيف: اخبارها.. الطبيب: الحمد لله التوئم بخير والمدام بخير.. سيف:الحمدلله.. الطبيب: مبروك عليك ولد وبنت وحالتهم كويسه جدا... بعد فتره اخرجوها لغرفه عاديه تركوها لترتاح قليلا... صعد رنين هاتف نور.. يسرى: مين.. نور: دي فرح.. يسرى: شوفي يكون في حاجه.. فتحت هاتفها واجابت علي ابنتها... جائت لتتحدث لكن سمعت صوت بكاء ابنتها.. فرح ببكاء: ماما الماس.. . . .