HINDI maalis ang mga mata ni Amelie kay Tristan at Dave na magkatabi sa inuman sa labas ng garden ng mga Javier. Dumating sina Drake, Bench, Carlo at Eve kanina. nabalitaan ng mga ito na umuwi si Tristan kaya nagpasyang magkita-kita roon. Imbis tuloy na uuwi na sila ay ipagpapabukas na lang dahil nagkayaang uminom ang mga ito.
Nagkakasiyahan ang mga ito, naroroon din si Sunny pinaggigitnaan ito ni Eve at Dave. Napabuntong hininga siya. Hindi niya alam na nagkakilala na si Dave at Sunny, nanliligaw na pala ang huli hindi nito nabanggit samantalang nagkita sila kahapon sa grocery. Ni wala itong sinasabi sa kanya na sasama ito rito sa San Simon. Nagbatian lang silang dalawa kanina pero hindi siya nagkaroon ng pagkakataon na makausap ito para sana tanungin. Narinig niya na lang kanina sa kuwe
