Kasandra
Pabalik na kami ng Manila. Halos tatlong linggo din ang inilagi namin doon. Sa tatlong linggo na 'yon ay nanatili ako sa pananahimik ko na iginalang naman nilang lahat. Hindi ko alam kung bakit. Pinipilit ko naman ang sarili ko pero hindi magawa ng puso kong umahon na lang basta-basta. Alam ko sa sarili kong mahirap umahon sa dalawang pagkawala ng dalawang tao sa buhay ko. Pero kakayanin ko, tama na ang minsang pagiging tanga ko. Hindi na 'yon mauulit pa.
Kapag nasa bahay naman kami, lagi lang nilang sinasabi sa akin na andiyan lang daw sila kapag handa na ako. Napatingin ako sa bahay ng makita kong papasok na kami. Maraming alaala ang oumasok at dumaloy sa isipan ko. Napapikit ako nang maalala ko ang masasayang araw namin nina Inang sa bahay na ito. Mga tawa niyang kay sarap p
